Deni Xhepa, flamurmbajtësi i Shqipërisë

Deni Xhepa, jo vetëm që do të jetë përfaqësuesi i vetëm i Shqipërisë në Lojërat Olimpike “Pekin 2022”, më 4-20 shkurt, por dhe flamurmbajtësi i delegacionit olimpik kuqezi në ceremoninë e hapjes. Pikërisht të hënën në mbrëmje, në ceremoninë e ardhur drejtpërsëdrejti në rrjetin e Radio Televizionit Shqiptar, Ministrja e Arsimit dhe Sportit, Evis Kushi, ka dorëzuar flamurin për Deni Xhepën dhe të gjithë përfaqësuesit e Shqipërisë në Pekin.

Në fakt për presidentin e Komitetit Olimpik Kombëtar Shqiptar, Fidel Ylli, është shumë e rëndësishme pjesëmarrja në të gjitha edicionet e Lojërave Olimpike, si dimërore, ashtu dhe ato verore.

Ndërkohë edhe vetë ambasadori i Kinës në Tiranë, Zhou Ding, ndihet mirë me përfaqësimin e Shqipërisë në Lojërat Olimpike në Pekin.

Nënkryetari i Bashkisë së Tiranës, Andi Seferi, ka bërë të qartë se prioriteti për sportin dhe për aktivitetet sportive, aq më tepër që për 2002 është Kryeqyteti Europian i Rinisë, nuk do të mungojë.

E kjo pjesëmarrje e Deni Xhepës, të paktën edhe për presidentin e Federatës Shqiptare të Skive, Elvis Toçi, është një ogur i mirë për këtë sport dhe për vazhdimësinë e tij

Por në ceremoninë e dorëzimit të flamurit nuk kishte se si të mungonte Ministrja e Arsimit dhe Sportit, Evis Kushi, që ka premtuar se tanimë mbështetja për sportin është e pakufishme.

Kështu tanimë gjithçka është gati për pjesëmarrjen e Shqipërisë në Lojërat Olimpike Dimërore, ndërsa Deni Xhepa do të konkurrojë në sllallom dhe sllallom gjigant.