Denohet me 12 vjet burg komandoja Aldo Morina per vrasjen e te dashurit te nenes

Gjykata e Tiranës, e dënoi me 12 vjet burg oficerin e forcave komando, Aldo Morina për akuzën e vrasjes së taksistit Mehmet Beqiri. 
Sipas gjykatës, Morina e ka kryer vrasjen me dashje ndaj Beqiri dhe jo në kushtet e tronditjes së rëndë psikike, siç pretendoj avokati mbrojtës.
Oficeri Morina, që ditën e vrasjes, më 1 janar 2013 u dorëzua në polici dhe ka pranuar krimin, me pretendimin se viktima i dhunonte nënën.
Sipas prokurorisë, Beqiri dhe nëna e të pandehurit kishin një lidhje jashtë martesore, lidhje e cila nuk është pritur mire nga komandoja që në debat e sipër e ka qëlluar me armën e punës taksistin Beqiri. 
Morina, do të vuaj vetëm 8 vite burg, për shkak të uljes së dënimit në aplikim të gjykimit të shkurtuar. Ndërsa prokuroria kërkoi nga gjykata të dënohet oficeri me 15 vjet heqje lirie.