Dervishi: Nuk ka abuzime me referencat

Cmimet e referencave per percaktimin e tarifes doganore perdoren vetem ne rastet kur subjektet importuese nuk e kane te shoqeruar mallin me dokumentacionin perkates. Sqarimin ne lidhje me ceshtjen e referencave e dha per gazeten "Koha Jone", drejtori i Pergjithshem i Doganave, Perparim Dervishi. Ai tha se metoda e vleresimit nepermjet cmimeve te referencave perdoret vetem ne rastet kur konsumohen metodat e tjera te percaktuara ne Kodin Doganor. Pervec kesaj praktike, Dervishi pohoi se ka nje permiresim te ndjeshem ne punen e administrates doganore. Praktikisht doganat kryesore te vendit, tha ai, jane te informatizuara dhe aplikimi i tarifave nuk mund te jete ne doren e nje doganieri. Cdo veprim nga ana e tyre qofte i kunderligjshem eshte i verifikueshem, garantoi kreu i doganave. Puna ne drejtim te referencave eshte permiresuar dukshem, pasi, ndryshe nga sa ndodhte me pare, cmimet ne tregjet nderkombetare, sidomos ato te mallrave te forte perditesohen. Cmimet e ketyre mallrave jane te verifikueshme ne bursat nderkombetare, tha Dervishi, dhe si te tilla ato freskohen cdo dite ne programin kompjuterik te doganave. Mirepo, administrata doganore ne ushtrimin e veprimtarise se saj, ka jo pak mosmarreveshje ne kete drejtim me importuesit. Per shkak se shpeshhere mallrat qe importohen nuk jane te shoqeruara me dokumentacionin perkates, ose fatura e origjines eshte e falsifikuar qe nenkupton nje vlere shume me te ulet nga vlera e vertete e mallit nga vendi i origjines. Ne kete rast, punonjesit e doganes jane te detyruar te aplikojne cmimet e references. Por, kohet e fundit, kjo metode po aplikohet gjithnje e me pak, tha Dervishi.

Cmimet e references dy vitet e fundit kane gjetur perdorim edhe ne sektore te tjere te ekonomise, pervec doganave. Administrata tatimore ka percaktuar nje liste te plote te artikujve qe tregtohen ne vendin tone bashke me vleren perkatese, me qellim evidentimin e sakte faturave tatimore te shitblerjeve per efekt te vjeljes se tatimeve. Cmimet e references kane hyre kete vit ne fuqi edhe per transaksionet e pasurive te paluajtshme.