Devijimi i rrugës në Poçem, burim aksidentesh në Levan – Tepelenë, problem për drejtuesit

Devijimi i rrugës në Poçem, në aksin kombëtar Levan-Tepelenë, është tepër problematik. 

Një masiv gurësh që bllokoi rrugën Levan- Tepelenë si pasojë e reshkitjeve nga reshjet 5 vjet më parë, vazhdon të jete rrezik serioz për drejtuesit e automjeteve.

Sipas tyre kjo rruge  është bërë shpesh edhe burim aksidentesh. Përgjatë kësaj periudhe prej 5 vjetësh regjistrohen mbi 125 aksidente ku fatkeqsisht janë shënuar edhe viktima.

Në këtë segment devijimi është i fortë dhe pa ndriçim. Veçanërisht gjatë natës ai kthehet në rrezik potencial për aksidente.

Autoriteti Rrugor Shqiptar ka nisur nëpërmjet një kompanie rikthimin  e rrugës në gjendjen e mëparshme ndërsa punimet edhe sot vijojnë. 

Deri tani është kryer zhvendosja e dherave e gurëve dhe është hapur traseja e rrugës, por ende nuk dihet se sa mund të zgjasë deri në përfundim të riparimit. 

Gazetare Megi Mëhilli

/ rtsh /