Dinamo - Shkumbini 3 - 0, tripletë e PlakutSebino Plaku është shndërruar në një specialist për kundër Shkumbinit, pasi edhe në fitoren 3-1 të fazës së parë, ai kishte shënuar dy gola kundër peqinasve. Me tri golat kundër Shkumbinit, 23-vjeçari

Me trajnerin Shkëlqim Muça në tribunë dhe me një Sebino Plaku, në një ditë të jashtëzakonshme, Dinamo fitoi 3-0 ndaj Shkumbinit, që nga ana e tij luajti me dhjetë lojtarë nga minuta e 19-të (Bizhyti, me karton të kuq).

Blutë, që mesa duket nuk e vuajtën mungesën e Elis Bakajt, nisën serinë e golave qysh në minutën e 8-të, kur Plaku realizoi të parin gol të tij në këtë ndeshje. Pjesa e dytë pati sërish protagonist ish-lojtarin e HamKamit (Norvegji) me dy gola të tij në minutat 65 e 83, teksa ndaj golit të tretë të sulmuesit dinamovit stafi peqinase protestoi jo pak.

Shkumbini mbërriti në “Selman Stërmasi” me mendjen te ndeshja e kthimit gjysmëfinalja e Kupës së Shqipërisë kundër Flamurtarit, ku në rast se do të përmbysë disavantazhin e ndeshjes së parë në Vlorë (0-1), do të jetë për herë të parë në finalen e kompeticionit të dytë më të rëndësishëm në Shqipëri, e automatikisht me një arritje historike për një vend në Ligën e Europës.

Sebino Plaku është shndërruar në një specialist për kundër Shkumbinit, pasi edhe në fitoren 3-1 të fazës së parë, ai kishte shënuar dy gola kundër peqinasve. Me tri golat kundër Shkumbinit, 23-vjeçari u ngjit në kuotën e 17 golave, dy më pak se kryesuesi Migen Memelli.

Për Sebinon kjo ishte tripleta e parë në këtë sezon, pasi më parë kishte shënuar tri dopjeta në fitoret e Dinamos kundër Shkumbinit (3-1), Besës (4-2) dhe Bylisit (5-1).

Kjo ishte fitorja e 21-të e Dinamos në 38 ndeshje historike, kundrejt 7 fitoreve të Shkumbinit (10 barazime). Dinamo do të përballet në javën e 30-të me Lushnjën, ndërsa Shkumini ka një “detyrë të vështirë” me Vllaninë në Peqin.

KATEGORIA SUPERIORE
JAVA 29
25.04.2009, 16:30

Apolonia-Elbasani     3-1
Sead Haxhibulic 27’, Semir Haxhibulic 56’, Brkic 77’/ F.Xhafa 51’

Bylis-Partizani         1-0
Nënaj 10’

Dinamo-Shkumbini     3-0
Plaku 8’, 65’, 83’.
Karton i Kuq: Bizhyti (SH) 19’

Lushnja-Flamurtari     1-1
E. Xhafa 36'/ Brajkovic 87’
Karton i Kuq: Bubeqi (L) 62’, Veliu (F) 62’

Tirana-Teuta        4-1
Memelli 8’, 85’,  D.Xhafaj 42’, Agolli 86’/ Vila 31’

Vllaznia-Besa        3-2
Sinani 25’, 48’, Dhembi 60’/ Sakaj 8’, Fortunat 31’

RENDITJA

Tirana             58
Vllaznia             57
Dinamo             51
Shkumbini             44
Teuta             41
Besa                 39
Flamurtari         32
Partizani             30
Elbasani             30
Lushnja             30
Apolonia             29
Bylis             28

E Shtune, 25 Prill 2009