Dita e pavarësisë së Kroacisë, sfida e radhës Jahjaga-Tadiç

Presidenti i Serbisë do të ketë një sfidë tjetër, atë nëse do të marrë pjesë ose jo në 20-vjetorin e krijimit të Kroacisë. Kjo për shkak të pjesëmarrjes së presidentes së Kosovës, Atifete Jahjaga.
 

Pasi refuzoi të marrë pjesë në festimet për Poloninë dhe Italinë për të njëjtën arsye, nëse vazhdon kështu, miqësia e Tadiçit me shtete të ndryshme do të rrezikohet.
 

Më 25 qershor, Kroacia shënon 20 vjetorin e themelimit të shtetit dhe presidenti Ivica Josipoviç ka bërë plan të ftojë shumë president ku mes tyre edhe presidenten e Kosovës Atifete Jahjaga dhe presidentin serb Boris Tadiç.