"Do jetë vështirë, por do përpiqemi të fitojmë gjithçka"

Në një intervistë për Sportmediaset, heroi i finales së Madridit u shpreh optimist për formën e ekipit. “Sezoni i kaluar ishte i paharrueshëm. Ishte i veçantë dhe vështirë të përsëritet. Por ne do të provojmë, do të punojmë çdo ditë për të kërkuar përsosmërinë”, u shpreh sulmuesi.

Tripleta u arrit nën drejtimin e Hoze Mourinjos, ndërsa tashmë në krye të stolit është Rafa Benitez: “çdo teknik ka mënyrën e vet të të parit të futbollit. Dalëngadalë po e ndihmojmë të ambientohet dhe mendoj se po ecën mirë”.