Dollapi: Pavarësisht fushatës, faturat e papaguara nuk do falen

Administratori i CEZ, Sait Dollapi, ka thënë se kamatvonesat apo faturat e papagura nuk do të falen. Sipas tij, qytetarët nuk duhet të gënjehen me faktin se është fushatë dhe faturat e papaguara do të falen.

Kjo është plotësisht e pavërtetë dhe një informacion dashakeq që del në një pjesë të shtypit sa here ka fushatë elektorale. Nuk ka falje as për faturat e papaguara, as për kamatvonesat. U bëj thirrje qytetarëve të mos bien pre e këtyre trillimeve dashakeqe, por të paguajnë në kohë faturën e energjisë, tha Dollapi nga Durrësi, ku premtoi se për zonat turistike këtë verë do të ketë energji elektrike 24 orë pa ndërprerje./b.l