Donatoret, ndihme per personat me aftesi te kufizuar

Nje tryeze e rrumbullaket e organizuar ne qytetin e Tepelenes, ka pasur ne qender te saj mbeshtetjen dhe ndihmesen karshi personave me aftesi te kufizuar. Pjesemarres ne te, kane qene perfaqesues te organizatave jofitimprurese qe veprojne ne jug te vendit, donatore etj, te cilet kane shprehur interesimin e tyre per mbeshtetjen nepermjet projekteve te vecanta te kesaj kategorie sociale. Aktualisht ne qytetin e Tepelenes zhvillon veprimtarine e saj shoqata humanitare "Dora e Ngrohte" me drejtues Gjon Dervishin. Prej dy vjetesh me mbeshtetjen e kesaj shoqate ne Tepelene funksionon nje qender e vecante per trajnimin ditor te 32 personave me aftesi te kufizuar. Pjese e tryezes se rrumbullaket ka qene edhe percaktimi i prioriteteve te reja per kete kategori njerezish me aftesi te kufizuar qe jetojne ne rajonin e Gjirokastres. Pjesemarresit ne tryezen e rrumbullaket kane vleresuar ndermarrjen e iniciativave te tilla nga qendra "Dora e Ngrohte" e cila i vjen ne ndihme kesaj kategorie sociale. "Jo vetem mekanizmat shteterore por edhe ato nga OJF-te e ndryshme, apo dhe shoqeria civile duhet te jete iniciatore e projekteve qe kane synim te mbeshtesin integrimin e kesaj shtrese ne shoqerine e sotme shqiptare", jane shprehur pjesemarresit ne kete tryeze. Mes te tjerash, kreu i qendres se trajnimit te personave me aftesi te kufizuar "Dora e Ngrohte", Gjon Dervishi, ka kerkuar me teper vemendje per mbeshtetjen e kesaj kategorie shoqerore jo vetem ne drejtim te mbijeteses ekonomike, por edhe te integrimit ne shoqeri.

B.Kore