Doshi: Ata qe kritikojne PS, mund te shkojne te LSI
Pas kerkeses se nje pjese te anetareve te Asamblese se Partise Socialiste ne Shkoder per shkarkimin e kreut te rrethit, Genc Uruci, eshte tensionuar dhe me teper situata brenda radheve te PS-se ne kete qytet. Deputeti i ketij qarku, Tom Doshi, e ka cilesuar letren e derguar kunder Urucit, te ngjashme me fletushkat denoncuese te kohes se komunizmit. Ne reagimin e tij, bere dje per situaten ne PS-ne e Shkodres, Doshi nuk heziton t'u tregoje firmetareve te mocionit dhe deren. "Ky mocion nuk ka vlere dhe se ngjan me fletushkat e bashkimeve profesionale te kohes se Partise se Punes. Nismetare te mocionit jane te lire te shkojne tek Levizja Socialiste per Integrim apo tek ndonje force tjeter politike", - u shpreh dje Doshi. Deputeti socialist ka theksuar se procesi i zgjedhjeve te drejtuesve te PS-se ne kete qytet do te behet ne menyre demokratike duke zgjedhur personat e pershtatshem. Ai ka theksuar se drejtuesit aktuale mund te mos jene kandidate, duke synuar zgjedhjen e nje figurave te tjera politike. Dy dite me pare, anetare te Asamblese se Partise Socialiste te qytetit te Shkodres i kerkuan kreut te PS-se, Edi Rama, shkarkimin e Genc Urucit nga detyra e kreut te rrjetit te kesaj dege te partise. Me ane te nje letre, ata kerkonin zhvillimin e nje mbledhje ku te behej dhe mocioni i mosbesimit ndaj kreut aktual. Ne letren e tyre, socialistet e Shkodres rendisnin nje sere arsyesh qe lidheshin me funksionimin e deges se rrethit gjate kohes qe drejtohej nga Uruci. Sipas tyre, Uruci ka futur klime percarese me socialiste dhe nuk ka pasur aktivitet politik ne nivelet e kerkuara ne kete rreth. Nje pike tjeter, ne baze te se ciles kerkohej shkarkimi, ka qene dhe ajo e rezultatit te zgjedhjeve lokale te tete majit, ku PS-ja e Shkodres pati nje rezultat te dobet. Sipas anetareve te Asamblese, pergjegjesia kryesore per kete rezultat eshte e kreut te PS-se se rrethit, Genc Uruci. Vec Shkodres, probleme ne zgjedhjet e kryetareve te rinj jane hasur dhe ne qytetet e tjera. Debat jo i vogel per drejtuesit e rinj ka qene dhe ai ne qytetin e Vlores, ku deputetit Eltar Deda iu mohua kandidimi per nje tjeter mandat ne krye te deges se kesaj force politike. Deputetit Deda iu ndalua kandidimi nga kryesocialisti Rama me argumentin se ne krye te partise nuk duhet kandidat dhe se ky rregull do te jete i vlefshem vetem per Tiranen, e cila ka nje specifike me te vecante elektorale.