"Drejtesia, Rama respekto paktin"

Kryeministri Berisha i kujtoi opozites t'i permbahet paktit te bere me mazhorancen dhe te votoje pro reformes ne drejtesi. Ne mbledhjen e grupit parlamentar te Partise Demokratike, duke folur per nevojen e reformave ne vend, kryeministri Berisha deklaroi se reforma ne sistemin e drejtesise duhet te vazhdoje dhe opozita duhet te jape kontributin e saj, ne kete nisme te rendesishme. "Reformat do te vazhdojne ne sistemin e drejtesise. Parlamenti ka votuar nje pakt per reformen ne sistemin e drejtesise dhe ne i qendrojme atij. Une e ftoj opoziten, ne interesin me te mire te vendit dhe te gjithe forcave politike pa perjashtim, t'i permbahet paktit te votuar ne Parlament", kujtoi Berisha ne fjalen e tij. Duke shtuar se keto ligje duhet te kishin nje konsensus sa me te gjere, perpara se te miratoheshin. Po dje, ne mbledhjen e grupit parlamentar te PD-se, kryeministri Berisha deklaroi se qeveria qe ai drejtonte, ishte e vendosur per te vazhduar reformat ne fushat kryesore te zhvillimit te vendit. Sipas kreut te ekzekutivit, ndonese viti 2009 eshte nje vit elektoral, kjo nuk do te thote qe qeveria do te ngadalesoje ritmet e saj te punes, ne realizimin e reformave jetike per vendin. Ne kete kuader, kryeministri Berisha tha se, miratimi i Kodit Zgjedhor, tete muaj perpara zgjedhjeve te ardhshme parlamentare, ishte nje arritje e madhe per reformen zgjedhore. Ne funksion te kesaj reforme, ai nenvizoi se qeveria tashme kishte si prioritet kryesor te saj, pajisjen e qytetareve me karta identiteti dhe pasaporta biometrike, ne menyre qe zgjedhjet e ardhshme, te kishin te gjitha kushtet per te qene te lira dhe te ndershme. "Ka nje rendesi te jashtezakonshme qe cdo dite te punohet per t'i dhene vendit infrastrukturen me moderne per zgjedhjet, ne drejtim te pajisjes qe qytetareve me kartat e identitetit, listave te zgjedhesve, te zbatimit te Kodit Zgjedhor me shpejtesi e seriozitet dhe kjo perben nje perparesi madhore", deklaroi Berisha. Rritja ekonomike ka qene ne fokusin e djeshem te kreut te qeverise, teksa i ka deklaruar para deputeteve te tij, se qeveria do te marre masat qe ne vend te vazhdoje rritja ekonomike dy shifrore, e siguruar ne vitet e para te qeverisjes. Sipas Berishes, qeveria do te sjelle ne Kuvend ligje te reja per biznesin dhe ne kete menyre pritet qe keto ligje te jene edhe shtyllat e permiresimit te metejshem te klimes se biznesit ne vend. "Kjo eshte dy here me e domosdoshme, po te kemi parasysh recesionin e njoftuar ne disa nga ekonomite me te medha te botes dhe te Evropes. Ekonomia shqiptare vazhdon rritjen dhe te gjithe treguesit jane se, edhe kete tre mujor e mbyllim me rritje te qartesuar 2-shifrore", deklaroi Berisha ne fjalen e tij, duke shtuar reformat po kryhen edhe ne fushen e shendetesise dhe ate te arsimit. Fatjona Mejdini

NATO

Kryetari i qeverise, Berisha i ka quajtur si shume te rendesishme reformat ne drejtesi dhe ekonomi ne vend, duke theksuar se keto reforma jane edhe nje kusht kryesor per integrimin e Shqiperise ne Bashkimin Evropian dhe ne NATO.

Kryeministri paralajmeron sjelljen e nismes ne Kuvend

"Amendime lejeve te ndertimit"

Kryeministri Berisha deklaroi diten e djeshme se se shpejti qeveria do te sjelle ne Parlament edhe amendime te reja per lejet e ndertimit. Ne fjalen e tij, kryeministri Berisha deklaroi se keto leje jane kthyer ne nje gangrene te vertete per vendin, duke e lidhur kete edhe me zhvillimin ekonomik. Por edhe me pare kryeministri Berisha e ka konsideruar si shqetesuese gjendjen me lejet e ndertimit ne vend dhe kryesisht ai ka permendur si shembull negativ Tiranen, e cila sipas Berishes po vuan papergjegjshmerine e kryetarit te saj, ne shperndarjen e ketyre lejeve. Te cilat kane bllokuar ndertimet.