Drejtësia iraniane: E verboi duke i hedhur acid në fytyrë, gjykata vendos: Do i hedhësh edhe ti acid në fytyrë për ta verbuar

Një vajzë nga Irani u verbua dhe u dëmtua rëndë në fytyrë pasi i dashuri i hodhi acid në fytyrë. Por ajo do ketë mundësi tani që të marrë hak dhëmb për dhëmb. Një gjykatë në Iran i ka dhënë leje 32 vjeçares Ameneh Bahramit që të hedhë acid në sytë e sulmuesit të saj, një student në Universitetin e Teheranit.

27 vjeçares iu hodh acid sulfurik në sy në vitin 2004, pasi sulmuesi i saj kishte kohë që i kërkonte të martoheshin. Ai e kishte ndjekur për disa muaj.

Gjykata i dha një shpërblim asaj prej rreth 25 mijë euro dhe e dënoi sulmuesin me burg. Por Ameneh nuk ishte e kënaqur. Ajo kërkoi hakmarrje me përgjigje dhëmb për dhëmb.

Të shtunën, në një spital të Teheranit, Ameneh do i hedhë acidin në sy sulmuesit të saj. Ajo ka kohë deri në mesditë që të kthejë mendje për këtë veprim, por ajo duket se nuk do të ndalet.