Drejtoresha e INSTAT-it ne Korce Anketuesit te mos bejne verifikime
Deklarimi per etnine apo fene ne rajonin e Korces ka sjelle reaksionet e para. Ndersa pritej qe ky proces te haste probleme ne qytetin e Korces apo ne fshatra ortodokse te banuar kryesisht nga vllahe debatet jane ndezur ne Shengjergj nje fshat i vogel me 80 shtepi ku te gjithe kane mbiemra myslimane. Anetaret e nje familjeje te ketij fshati e cila jeton me eksportimin e fasuleve ne Greqi kane deklaruar se jane te etnise greke duke nxitur reagimin e menjehershem te intervistueses e cila ka kerkuar nje dokument te gjendjes civile dhe pasi ka konstatuar se kombesia ne kete dokument ishte shqiptare nuk ka pranuar te vendose kombesine greke ne formular.
Por ky refuzim nga ana e anketueses eshte konsideruar i paligjshem. Ines Nurja drejtoreshe e pergjithshme e INSTAT-it udhetoi dje drejt Korces per te sqaruar kete incident ne Shengjergj si dhe fenomenin e verejtur dy dite me pare kur disa qytetare te Korces kerkuan fotokopje te formularit te plotesuar prej tyre per ta dorezuar me pas ne Konsullaten e Pergjithshme Greke.
Drejtoresha e INSTAT-it tha dje nga Korca se procesi deri tani ka qene i rregullt perderisa nuk jane konstatuar probleme apo ankesa te forta qe lidhen me ceshtjen e deklarimit te kombesise apo fese.
Ajo nuk i perjashtoi problemet qe kane hasur anketuesit ne disa zona te rajonit te Korces nderkohe qe beri edhe nje sqarim sa i perket procesit te verifikimit te te dhenave. Sipas Nurjas anketuesit ne kete faze te regjistrimit kane per detyre vetem te pasqyrojne ne formulare gjithcka deklarojne te anketuarit duke mos vene ne dyshim vertetesine e tyre. Do te jete nje faze e mevonshme pas grumbullit te te dhenave kur do te behen edhe verifikimet per ato deklarata qe ngjallin dyshime. Nurja sqaroi gjithashtu se ne rastet e dyshimta nuk do te hidhet poshte gjithe formulari por do te perjashtohen ato te dhena qe do te rezultojne te paverteta.
Sipas te dhenave te para deklarimet per kombesi greke nuk jane dhene ashtu si mund te pritej ne qytetin e Korces dhe ne fshatra me popullsi ortodokse. Keshtu ka ndodhur ne fshatin Drenove te Korces ku ne dy ditet e para te regjistrimit banore te tij kane deklaruar se jane vlleh por jo greke. Nderkohe anketuesit ankohen se kane hasur ne probleme me gjetjen e banesave pasi harta qe u eshte dhene nga organet kompetente eshte e vjeter.