Duel Barcelona-Milan për Vidiç

Mançester - Pas ofertave të Interit dhe Milanit për mbrojtësin serb të Mançesterit Nemanja Vidiç, në skenë del edhe kampionia e Evropës, Barcelona. Sipas të përditshmes angleze “Daily Star”, Barcelona i ka dërguar një ofertë prej 22 milionë euro për Vidiç, i cili nga ana e tij dëshiron të largohet nga Anglia për shkaqe klimaterike.

Në fakt edhe Milani është shumë i interesuar për mbrojtësin, duke parë edhe tërheqjen e legjendarit Maldini nga futbolli, dhe dyshimet mbi formën e Alesandro Nestës një vit pa luajtur futboll nuk japin siguri.