Durres, 8 paciente dyshohen per AH1N1

Rritja e numrit te pushuesve dhe perqendrimi i popullsise ne nje fashe te ngushte pritet te sjelle te tjera raste te prekurish nga virusi AH1N1 ne Shqiperi dhe veçanerisht ne bregdet dhe zonat kufitare.

Kjo situate kerkon rritje te gatishmerise se strukturave mjekesore te te gjitha niveleve. 

Deri tani autoritetet shendetesore ne Durres kane konstatuar 8 raste te dyshuara si mbartes te virusit AH1N1 dhe sipas kreut te dikasterit shendetesor, 4 prej tyre kane dale krejtesisht te sheruar.

Kater te tjere, kryesisht te moshave te reja dhe te mesme po trajtohen ende nga ana mjekesore, ndersa priten edhe pergjigjet e rezultateve te analizave nga Rumania ku jane derguar dhe kampionet qe u jane marre.

Ne portin me te madh te vendit jane marre masat per te perballuar problematikat qe paraqiten per pandemine e gripit te derrit ne kushtet e nje numri te madh te udhetareve ne kete periudhe fluksi, kur mesatarisht levizin 4-5 mije udhetare ne dite.

Ministrja e Shendetesise, Anila Godo, ndersa inspektoi terminalin e trageteve dhe me pas spitalin rajonal te Durresit tha se ka qene e informuar ne menyre te vazhdueshme lidhur me situaten ne kete porti detar: “Ajo qe shoh konfirmon kuadrin e masave te marra ne bashkepunim me kompanite e lundrimit dhe autoritetet portuale”.

Ministrja e Shendetesise pranoi se pas 4 rasteve te para te verifikuara tashme ne Shqiperi, 3 prej te cileve ishin marinare te huaj qe hyne ne vend nga Porti i Durresit, pritet te kete dhe raste te tjera. “Strukturat tona jane te pergatitura per t’i perballuar ato”, tha Godo, duke e vleresuar shume te rendesishem Durresin gjate stines se veres.

Lidhur me sherbimin ne tragete dhe porte, Godo sqaroi se gjendja mbahet nen kontroll ne bashkepunim me kompanite e lundrimit, personelin ne tragete dhe porte, ndersa qetesoi qytetaret duke i ftuar te ndjekin rigorozisht keshillat e specialisteve: “Te gjithe udhetaret ne tragete njoftohen gjate udhetimit per mundesine e vizitave mjekesore nga mjeku i anijes ne rast te shqetesimeve te ndryshme.

Nga ana tjeter, kontrollet vazhdojne nga personeli shendetesor i portit edhe gjate zbritjes se udhetareve”. Pas inspektimit ne port, ministrja Godo u ndal ne spitalin rajonal te Durresit ku vizitoi mjediset e reja karantinore, te cilat se bashku me repartin infektiv te spitalit jane krejtesisht te izoluara nga ambientet e tjera. Ajo tha se infrastruktura spitalore dhe gatishmeria e personelit mjekesor jane ne gjendje te perballojne jo vetem raste emergjente te shfaqjes se virusit, por edhe nje fluks pacientesh te prekur prej tij.