Durrës/ Kapet arsenal armësh, 5 në pranga

Pesë persona u arrestuan sot nga policia në qytetin e Durrësit pasi mbanin pa leje në mënyrë të paligjshme shtatë çifte dhe një arsenal baruti dhe municionesh.
Sipas burimeve zyrtare të policisë, bëhet e ditur se gjatë aksionit janë sekuestruar shtatë çifte, disa pistoleta 12 milimetërshe, 270 fishekë dhe dy kilogramë barut.
Policia tha se armët dhe municionet u bllokuan gjatë disa kontrolleve të ushtruara në automjetet dhe banesat e personave të dyshuar, emrat e të cilëve ende nuk bëhen të ditur.