Durrës, arrestohet pjestari i bandës së Lul Berishës, Edmond Koçi

Durrës- Policia e Durrësit në bashkepunim me RENEA-n kanë vënë mbrëmë në pranga shtetasin Edmond Koçi i njohur me pseudonimin Mond Çeliku. Ky person etiketohet si anëtar i bandës së Lul Berishës dhe dyshohet për vrasje.

Arrestimi i tij nuk ka qenë i lehtë për forcat e policisë. Ai ka nxjerrë pistoleten sapo ka nuhatur rrethimin e zonës. Mond Çeliku ishte në një lokal Eurollo në lagjen nr.4 ne Durres, kur u kap. Burime nga policia bëjnë të ditur se ai tentoi të qëllonte në momentin që pa forcat e policisë në derën e lokalit. Por kanë qenë oficerët e RENEA-s ata që e kanë neuralizuar në vend të fortin e bandës.  

I është bllokuar pistoleta me një krehër me fishekë. Një plumb i pistoletës iu gjet në fole gati për shkrepje. Policia e lidh arrestimin e tij edhe me disa vrasje që kanë ndodhur kohët e fundit në Durrës, përpos akuzave të mëparshme ndaj tij, në kohën kur ishte pjesetar bande. Kjo organizate mafizize kriminale, është shpartaluar, kapoja Lul Berisha gjendet në burg.