Durres, zhduken pa gjurme nene e bir
Bashkeshorti 32-vjecar, denoncon ne polici humbjen prej nje jave te gruas dhe djalit te mitur
Durres- Zhduket nena se bashku me djalin e mitur, bashkeshorti kerkon ndihmen e policise per t’i gjetur. Por ky kallezim penal eshte bere nje jave me vonese nga 32-vjecari me inicialet D. D., banues ne lagjen nr. 15 te Durresit. Burime zyrtare te policise konfirmuan lajmin dhe bene me dije se shpallen ne kerkim si te humbur 26-vjecaren me inicialet F. D., nga Lushnja dhe djalin e saj 8-vjecar, me inicialet A. D.
Rreth ores 16:00 te dites se merkure, ne Komisariatin e Durresit eshte paraqitur per te bere kallezim 32-vjecari D. D. “Gjate deshmise se marre i riu ka deklaruar se para nje jave, jane larguar nga banesa gruaja 26-vjecare dhe djali i lindur nga martesa, tete vjet me pare”, thane burime zyrtare per kete rast. Shkak i kesaj ngjarjeje dyshohet se mund te jene bere marredheniet e tensionuara mes ciftit dhe debatet per motive te ndryshme. Mesohet se gruaja kishte shkuar per vizite tek familjaret e saj, por qe prej nje jave nuk i pergjigjej me 32-vjecarit, duke refuzuar te kthehej ne banese. Duke pare se gruaja nuk po i kthente pergjigje dhe as nuk eshte dukur me ne shtepi, bashkeshorti ka kerkuar ndihmen e Policise se Durresit. Policia sqaroi dje se do te merret edhe deshmia e familjareve te vajzes, per te verifikuar nese ajo ka qene viktime e dhunes fizike, psikologjike apo presioneve te burrit, apo eshte larguar me deshire nga shtepia. Gjithashtu hetohet edhe per nje deshmi jo te qarte te 32-vjecarit, pasi gjate largimit 26-vjecarja ka marre me vete edhe djalin. Pista kryesore e hetimit jane mosmarreveshjet mes ciftit dhe grindjet e vazhdueshme, qe mund te kene cuar deri ne nje ndarje dhe largim nga banesa.
“Nga ana jone u kryen veprimet e nevojshme procedurale, u be shpallja ne kerkim dhe po punohet per gjetjen e nenes dhe te birit, te humbur prej nje jave”, tha Policia e Durresit dje. Megjithese jane kryer kerkime ne banesen e prinderve te gruas, nuk eshte bere e mundur gjetja. Pas hetimeve paraprake, materialet iu kaluan prokurorise per ndjekje te metejshme procedurale.