Dy anije iraniane kalojnë Suezin

Dy anije luftarake iraniane, të drejtuara për në Siri, që po përgatiteshin të kalonin kanalin e Suezit, e kanë bërë një gjë të tillë.

Lajmin e ka bërë të ditur televizioni shtetëror iranian, Al Alam.

“Dy anije luftarake kanë kaluar kanalin dhe po i drejtohen një porti sirian”, tha televizioni.

Izraeli e ka konsideruar këtë kalim, i pari që nga viti 1979, si “një provokim”.

Më herët ishte raportuar se kalimi i dy anijeve të flotës së Iranit nëpër Kanalin e Suezit, ishte shtyrë për së 48 orë.

Kryeministri izraelit, Benjamin Netanyahu, e ka akuzuar Iranin se po përpiqet ta shfrytëzoj jo-stabilitetin aktual në Egjipt.