Dy fytyrat e gjeneralit

Nga Sokol Bebeziqi

Dje foli Luan Hoxha dhe na habiti te gjitheve kur mohoi tere sa permbante kabllogrami mbi biseden e tij me ambasadorin amerikan ne Tirane. Jam shume i bindur se askush nuk e besoi ne sa tha. Madje as ai vete nuk e beson. Ish gjenerali mund te justifikohet; mund te thote se gjate takimit ka qene shume i emocionuar; se ka kaluar shume kohe dhe gjerat i ka harruar, apo cdo brockulle tjeter. Mbase ai edhe i harron ato qe kane ndodhur; por nuk e harrojne kurre Gerdecin tere ata qe ju dhimben ata 26 te vrare dhe qindra te tjere te plagosur. Eshte nje ceshtje qe do e zgjidhe gjyqi, ne mos ky mbi toke sot a neser, ai tjetri lart ne qiell, patjeter.

Ajo qe me cuditi ne kete veprim te gjeneralit ishte hapi i gabuar per te pergenjeshtruar nje kabllogram, brendine e te cilit e dine tashme shume njerez ne Tirane, qe nuk kane asnje pike dyshimi se eshte teper i sakte e se ka pasqyruar me detaje nje bisede ne mjedise zyrtare te shtetit amerikan. Habitem se si ish gjenerali me pervoje harron se ne biseden e tij me ambasadorin ka pasur te pranishem edhe persona te tjere; se biseda eshte e rregjistruar; se kabllogrami eshte pergatitur nga nenpunes amerikane profesioniste dhe per me teper, se ky ambasador nuk kishte asnje arsye te shtremberonte biseden e tij me nje gjeneral tashme te shkarkuar.

Jam i bindur se ish gjenerali e di se pervec kabllogramit, ka prova te tjera per biseden e zhvilluar ate dite gjate takimit mes tij dhe ambasadorit amerikan.  Atehere pse e hodhi hapin e gabuar gjenerali? Pse?

A mos valle gjenerali ka qene i detyruar te mohoje kabllogramin, ta ktheje ate ne nul. Mision i pamundur gjeneral. Dhe ne kete mision nuk te ndihmon as dyfytyresia. Kabllogrami eshte aty, deshmitar i paasgjesueshem i nje tragjedie te rende. Scripta manent verba volant.