Dy kursante futen ne kurth zyrtaret

Dy kursante jane shfaqur gjate muajit janar ne dyert e Prokurorise se Tiranes per te depozituar nje kallezim te rralle. Atyre u ishte kerkuar shuma 70 mije leke per te perfituar patenten ne dore, pa hyre ne provim, ndersa vlera reale qe duhet te paguanin ishte vetem 35 mije leke. Kaq ka mjaftuar qe hetuesit te vinin ne sherbim per 2 muaj me radhe tekniken e pergjimit dhe te mbanin nen vezhgim dy zyrtaret e Transportit Rrugor, policin pronar te autoshkolles "Univers vip" dhe dy instruktore te saj. Nderkohe qe, ne momentin qe zhvillohej testimi gjate mesdites se enjte, agjentet e policise se Tiranes kane zbarkuar menjehere ne ambientet e Drejtorise se Transportit, ne Tiranen e Re.
Kallezimi
Denoncimet jane bere shkak qe Task-Forca ne prokurori te nise hetimet per dy zyrtaret, pjese e komisionit te testimit te patentave, Emiljano Kahu, 31 vjec dhe Sokol Breces, 43 vjec. Po keshtu kane gjetur lidhjet e autoshkolles dhe nje prej drejtuesve te saj, Kadri Dajci, 52 vjec, njekohesisht efektiv i Patrullave, si dhe dy instruktoreve Jonuz Meshi, 58 vjec dhe Qazim Hoxha, 57 vjec. Burime zyrtare thane se hetimet kishin nisur dy muaj me pare dhe deri dje jane siguruar te pakten 20 deshmitare, te gjithe kursante, qe do te merren ne pyetje ne ditet ne vazhdim. Procedimi penal eshte regjistruar ne fillim te janarit te ketij viti, nderkohe qe gjate muajit shkurt keta te fundit kane qene ne pergjime. Operacioni i koduar "Gersheret e Ligjit", eshte finalizuar me arrestimin e tyre gjate momentit qe keta te fundit ishin ne provim me kursante te tjere. Nderkohe qe 20 prej tyre kane qene deshmitare gjate momentit te arrestimit te te dyshuarve.
Hetimet
Burime nga prokuroria bene te ditur, per gazeten "KJ", se "kursantet, qe ishin regjistruar ne autoshkolle dhe qe nuk kane marre patenten, do te merren ne pyetje per te mesuar nese u eshte kerkuar ryshfet ne kembim te lejes se drejtimit te mjetit". Gjithashtu po hetohet per te zbardhur skemen e dorezimit te parave. Sipas denoncimit te dy prej kursanteve, leket i dorezoheshin njerit prej instruktoreve, i cili me pas ia jepte komisionit, qe ky i fundit te mos hynte ne provim, por te merrte patenten te plotesuar. Nga ana tjeter mesohet se ka pasur raste kur vete ryshfetet i paguheshin pronarit te autoshkolles.
"Do therrasim 20 deshmitaret per skemen"
Prokuroria e Tiranes do te therrase si deshmitare per hetimet ndaj autoshkolles "Univers vip" dhe zyrtare te Transporteve, kursantet, te cilet nuk kishin marre ende patenten e tyre. Mesohet se 20 jane personat qe do te pyeten ne ditet ne vazhdim, pjesa me e madhe e te cileve gjendej ne klase, duke dhene provimin mesditen e enjte. Po dje, me urdher te organit te akuzes, jane sekuestruar te gjitha dokumentet ne autoshkollen "Univers vip", per te verifikuar te gjitha rastet kur jane dhene patenta dhe tezat e provimit. Ne dokumentet e sekuestruara jane gjetur vertetime mjekesore dhe certifikata te falsifikuara. Nga kallezimet e bera mesohet se ka pasur raste kur kursantet e kishin patenten te plotesuar, edhe pse kane hyre ne provim. Dy komisioneret e patentave, Emiljano Kahu, nga Shijaku, Sokol Breca, nga Tirana, nepermjet nje urdhri nga ana e prokurorise, u jane sekuestruar 1,7 milione leke, te cilat dyshohet t'i kene marre nga kursantet.