Dyshimet Anija turke u mbyt njesoj si Titanik

Durres 23 tetor 2011 NOA- Nderpritet kerkimi per 8 trupat e zhdukur te ekuipazhit te anijes turke Reina-1. Mengjesin e sotem ne portin e Durresit eshte ankoruar anija me e fuqishme e flotes turke per operacionet e kerkim-shpetimit Barbaros e cila pas dy ditesh kerkim ne det te hapur nuk arriti te gjeje gjurme te tete anetareve te ekuipazhit te anijes Reina e cila u mbyt pas perplasjes me tragetin Ankara.
Ndonese anije ushtarake Barbarosaishte e pajisur me aparatura moderne te kerkimit ne siperfaqe por edhe ne thellesi te detit nuk ka arritur te gjeje asnje nga trupat e 8 marinareve te zhdukur.
Ekspertet hedhin dyshimin se mbytja e anijes tregtare turke ka qene e ngjashme me ate te mbytjes se anijes historike Titanik. Sipas informacioneve anija eshte mbytur vertikalisht ne harkun kohor te shtate minutave.
Nje pjese e bazes materiale te anijes se mbytur eshte gjetur nga anija e Guardia di Financa italiane e cila ndodhet ne portin e Durresit dhe materialet jane depozituar prane rojes bregdetare per hetimet per te zbardhur shkaqet e tragjedise.
Anija luftarake Iliria ka gjetur ne det te hapur nje gomone e cila dyshohet se eshte hedhur ne momentin e perplasjes por qe nuk eshte perdorur dot nga marinaret.
a.q/NOA

Ne foto Anija e flotes turke Barbaros e ankoruar ne portin e Durresit