E RRALLE/ Japonezët kalojnë në depresion nga zhgënjimi me Parisin

Është e paimagjinueshme për ne, por e vërtetë. BBC njofton se dhjetëra turistë japonezë që vizitojnë Parisin, detyrohen të kthehen në atdhe të shoqëruar me infermierë e mjekë, pasi kalojnë një shok.

Kjo sëmundje tani njihet me emrin Sindroma e Parisit, dhe zë ata turistë që zbulojnë se qyteti nuk plotëson pritshmëritë e tyre.

Vetëm këtë vit janë dërguar në Japoni katër persona, në gjendje të rëndë, të shoqëruar nga mjekë në bordin e avionit.

Japonezët vijnë në Paris duke pasur në mendje vizionin e një qyteti romantik, të pastër, të bukur e të mbushur me art e kulturë.