E zbulojnë më në fund: Po, është djalë (FOTO)

Ai është veshur si një zanë. Dhe nëse ka dëshirë të vishet kështu çdo ditë, prindërit e tij nuk e kanë problem. Quhet Sasha, është pesë vjeç dhe është një nga të paktët fëmijë në botë, të cilin prindërit po e rrisin me gjini neutrale. Tani e quajnë ai. Më parë e quanin thjesht fëmija dhe gjinia e tij ishte mbajtur sekret nga të gjithë përveç disa të afërmve. Sasha, i rritur nga dy prindër britanikë, ishte inkurajuar që të luante me cilat lodra të donte, nuk ka rëndësi nëse janë kukulla Barbie apo makina. Prindërit thonë se duke e mbajtur fëmijën pa gjini, do ndihmojnë që ai të mos ketë probleme me stereotipet. Por kur një çift prindërish deklaroi vjet në Kanada se nuk ka ndërmend të tregojë nëse fëmija e tyre është vajzë apo djalë, nisi një debat se fëmija mund të kishte probleme mendore. Psikologët druhen se edhe Sasha do ekspozohet ndaj problemeve me shoqërinë.