EULEX-i nuk i njeh zgjedhjet serbe në veri

Zyrtarë të EULEX-it kanë bërë të ditur se nuk do t’i njohin rezultatet e zgjedhjeve ilegale serbe në veri, të parapara për 30 maj.

Zëdhënësja e këtij misioni, Kristina Herodes, ka thënë se misioni i BE-së nuk i njeh zgjedhjet e strukturave paralele e as rezultatin e tyre.

Edhe institucionet e Kosovës i kanë quajtur të paligjshme zgjedhjet serbe.

Ndërkaq përfaqësues të UNMIK-ut kanë thënë se qëndrimi i misionit të Kombeve të Bashkuara përballë zgjedhjeve serbe do të jetë neutral. /kosovapress/