EURO2024 – 600 oficerë policie të huaj në detyrë

BERLIN, 13 qershor /ATSH-DPA/- Rreth 580 policë të huaj do të vendosen në Gjermani për Kampionatin Evropian të Futbollit, i cili fillon të premten.

Ministria e Brendshme gjermane njoftoi sot se 350 oficerë të huaj do të mbështesin Policinë Federale në luftën kundër krimit dhe huliganëve, ndërsa 230 të tjerë do të vendosen në Qendrën Ndërkombëtare të Bashkëpunimit Policor (IPCC) në Neuss, në Gjermaninë perëndimore.

Oficerët vijnë nga të gjitha vendet pjesëmarrëse në turne. Ato do të vendosen në stacione hekurudhore, në trena, në aeroporte dhe në kufij.

“Fokusi kryesor është të shmanget përshkallëzimi dhe komunikimi”, sipas deklaratës së ministrisë.

“Ne po armatosemi kundër të gjitha rreziqeve të mundshme: nga terrori islamik te shkelësit e dhunshëm dhe huliganët”, tha ministrja e Brendshme gjermane Nancy Faeser.

“Policia Federale po përballet me dislokimin më të madh te forcave policore në historinë e saj”, shtoi ajo. //a.i/