Edi Rama: Nuk e votoj imunitetin në gusht, sa të jem unë gjallë!

Kryesocialisti, karshillëk edhe Komisionerit për Zgjerimin Europian Stefan Fyle

Edi Rama, menjëherë pas vënies dje në dijeni për letrën që Komisioneri për Zgjerimin Europian Stefan Fyle, i kishte dërguar Kryemsitrit Sali Berisha, doli në ekranin e një televizioni dhe “këndoi” refrenin e tij, “uk votojmë heqjen e imunitetit në 6 gusht”.
Karshillëku i Edi Ramës, ndaj qëndrimeve të ndërkombëtarëve, i demonstruar edhe pas çdo takimi me trojknë e ambasadorëve në Tiranë, edhe dje nuk kishte ndonjë argument të ri, e aq më tepër bindës, përveç kushtit, për ndryshime të tjera kushtetuese.
Në “këndimin” e radhës të të njëjtit refren, Edi Rama nuk harroi gënjeshtrën e madhe, për datën e 6 gushtit, që sipas tij dhe vetëm atij, “nuk përfaqëson asgjë për në, është datë e njëanshme e vendosur arbitrarisht, duke copëtuar një proces në mes”, gënjeshtër që nuk ka guximin ta pohojë as Gramoz Ruçi, pse ai e di se ka votuar vetë në mbledhjen e 12 korrikut të Byrosë Parlamentare, për 6 gushtin, si një datë jo e njëanshme për heqjen e imunitetit.