Edi Rama: Opozita, mocion kundër Berishës në Kuvend
TIRANE-Kryetari i PS-së, Edi Rama deklaroi dje gjatë emisionit “5 pyetjet nga Babaramo” në “News 24” se opozita po mendon një mocion mosbesimi ndaj qeverisë “Berisha” “Mocioni është një mjet demokratik dhe nuk do të ishte keq që ai të paraqitej në Kuvend”, tha Rama. Kryetari i PS-së foli për përshtypjet e tij për martësën me Linda Ramën, dhuratat e miqve dhe sfidat e reja politike. Sipas Ramës, e majta nuk do të lejojë zgjedhje vendore, pa u bërë transparenca e zgjedhjeve të përgjithshme të qershorit 2009. Rama nuk pranoi të pohonte ose të mohonte rikandidimin e tij për postin e kryetarit të bashkisë së kryeqytetit.
Zoti Rama, përse nxituat të jepnit një version politik të vrasjes së kryetarit të komunës së Tërthorit, Remzi Veseli?
Sepse është vrarë në mënyrë makabre një i zgjedhur i popullit. Është e dyta herë që ndodh. Jemi në pritje të reagimit të strukturave përgjegjëse të krimit në Shqipëri. Ne sot kemi kërkuar me forcë zbardhjen e së vërtetës, por gjithashtu kemi nënvizuar se për ne, kjo është një këmbanë që bie përsëri dhe jo këmbanë që bie për herë të parë.
Si i gjykoni deklaratat e ministrit të Brendshëm?
Unë gjykoj që Sali Berisha ka dështuar dhe ka dështuar edhe me rendin dhe sigurinë në vend, pasi sot, siguria është më e ulët se kurrë dhe krimi po kap maja të panjohura më parë në kushtet e një normaliteti, duke pasur parasysh vitin 1997. Ky vit ka shënuar në rritje rreth 30% të veprave kriminale nga vrasjet deri tek vjedhjet me armë në dorë dhe kjo pamje është thjesht pjesë e një mozaiku të dështimit të Sali Berishës dhe kësaj qeverie ku bën pjesë edhe ministri i Brendshëm.
Të flasim për dasmën. A është ky një veprim racional i juaji dhe, a është një përpjekje për të trukuar imazhin tuaj si kryetar i opozitës; nga një bohem, u kthyet në një njeri tradicional?
Ndoshta çudia do të ishte sikur të isha kthyer në bohem nga një tradicional dhe jo e kundërta. Besoj se ky është një zhvillim i një natyre njerëzore. I mirëkuptoj komentet dhe interpretimet mediatike lidhur me një ngjarje njerëzore, për faktin se unë mirëkuptoj edhe aspektin tjetër që ka të bëjë me qenien time politike dhe publike. Por, duhet ta rikujtoj që unë jam një njeri si të gjithë të tjerët dhe ashtu si çdo njeri, kam të drejtën e lirinë e një të drejte private dhe e zgjedhjeve të mia, që janë zgjedhje të një njeriu që kërkon të bëjë jetën e tij me dashurinë dhe besimin e tij drejt një dashurie.
Tani që jeni i martuar, a mendoni se beqarinë e keni pasur një lloj handikapi?
Ashtu sikundër kjo që ka ndodhur është një ngjarje njerëzore, ashtu edhe në të shkuarën unë kam qenë në rrugën e jetës sime me të gjitha andrallat dhe dëshirat e një njeriu që nuk ka qenë i pamartuar dje, dhe nuk është i martuar sot për asnjë arsye në botë, veçse për arsyet e zemrës dhe mendjes së tij.
Keni deklaruar se do jetoni në një shtëpi me qira, dhe kursimet tuaja janë 3 mijë euro. Si është e vërteta?
Unë shfaqem në publik ashtu siç jam dhe sigurisht, që krahasuar me njerëzit e varfër, unë s’jam i varfër, por as jam një njeri i pasur. Dhe nuk ka asnjë arsye për t’u çuditur që ne do të jetojmë në një apartament me qira, çka nuk do të thotë se nuk do të përpiqemi të kemi diçka tonën, ashtu siç e kanë edhe njerëzit e tjerë, sigurisht kur të krijohet mundësia.
Nuk keni kursyer aq sa të blini një apartament?
Unë kam marrë një kredi dikur dhe sigurisht, që bashkë me Lindën do të jemi në gjendje të kemi diçka tonën me kalimin e kohës.
A kishte domethënie vendi dhe kjo pjesë e dekorit që ju zgjodhët për të bërë dasmën?
Ajo ishte një ftesë për një numër të madh njerëzish dhe kjo hapësirë u zgjodh për të mirëpritur këtë numër të madh miqsh dhe dashamirësish.
Çfarë kriteresh zgjodhët për të ftuarit?
Unë mirëkuptoj lidhjen e një diçkaje që unë bëj me jetën time, por nga ana tjetër, ju rikujtoj që unë jam njeri si të gjithë njerëzit e tjerë dhe kam një jetë timen, që kam të drejtë ta jetoj si të gjithë të tjerët. Kjo është një ngjarje që çdo njeri në rastin tim e ka të pamundur të mos ftojë bashkëpunëtorë, miq dashamirës, gjë që i dha një pamje madhështore në numër asaj feste, por që plotësoi edhe dëshirën tonë për të trokitur një gotë në atë moment.
Si ishte ceremonia private e kryetarit të PS-së? A kishte njerëz të padëshiruar aty?
Këto të dyja janë të vështira të ndahen, por unë ju siguroj se në festën tonë nuk kishte asnjë të padëshiruar.
A kishte mungesë të ndonjë njeriu që do të donit të ndodhej?
Jam i bindur që ata që kanë munguar, kanë munguar për arsye madhore, por më kanë dërguar urimet e tyre.
Po Blushi ishte një nga ata që munguan?
Edhe ai hyn ndër ata që kanë munguar dhe nuk kanë munguar të bëjnë urimin e tyre.
Ç’ndjesi ju la tufa me lule që ju erdhi nga protokolli i Kryeministrisë?
Ndjesinë e një detyrimi protokollar.
E vendosët në një vazo?
Nuk e kam ndjekur më rrugëtimin e tufës që erdhi.
Me ç’cilësi ishte i ftuar presidenti Topi në dasmë?
Ai ishte i ftuar në dasmën tonë si një njeri i nderuar dhe i respektuar nga Linda dhe nga unë.
Cili qe urimi më i bukur?
Kam pasur shumë urime të bukura, por ndoshta pa dashur të bëj asnjë lloj ndarjeje, do të veçoja urimin që më bëri Dritëro Agolli, futur në kutinë e penës së tij. Një urim i shkruar me dorën, që për shkak të moshës, e ka vështirë të shkruajë. Një tekst i thjeshtë, por një dëshmi kuptimplotë, e cila do të mbetet pjesë e sirtarit të kujtimeve të mia për pjesën e mbetur të jetës.
Pamë në këtë ceremoni kundërshtarë tuajt si Islamin, Marko Bellon. A ka një lloj domethënieje ardhja e tyre?
Unë nuk jam një kryetar që jam edhe njeri, unë jam një njeri që jam edhe kryetar partie. Njeriu edhe jeta e tij vlen më shumë se sa një rol në jetën publike si ky që kam sot dhe marrëdhëniet njerëzore janë shumë më tepër se sa marrëdhëniet e punës, të cilat për shkak të punës kanë ulje-ngritjet. Aq më tepër në një parti si e jona që nuk është një kazermë, por një bashkim vullnetar.
Sa për qind të të ftuarve do kishe ftuar nëse s’do ishe kryetar?
Pyetja do ishte se sa për qind e tyre do të ishin të interesuar të vinin në festën e një piktori. Për shkak të jetës sime kam rrethe miqsh që shtrihen që nga arti e kultura, deri te politika.
Zoti Rama, ka një merkato deputetësh që ikin nga PD-ja, nga LSI-ja. Vangjel Tavo mbetet ende pezull, ndërkohë që ju ka vënë edhe një ultimatum...
Nuk ka asnjë ultimatum. Do e mirëpres ende sot që ta takoj Vangjelin dhe të bisedoj me të lidhur me shqetësimet që ai ka dhe me problemet që ai thotë se ka shtruar, por sigurisht që nuk janë probleme që mund të zgjidhen në distancë, por shtrohen e zgjidhen në tryezën e diskutimeve të lira mes nesh. Për sa i takon asaj që quajtët merkato, sigurisht që ka pasur në historinë e parlamentit shqiptar momente të neveritshme shitje të deputetëve, por këto momente janë të lidhura me shtrirjen e dorës së pushtetit për të tërhequr përmes ofertave të çfarëdolloj natyre deputetët e opozitës dhe jo me largime të deputetëve nga radhët e pushtetit në opozitë. Kështu që deri në momentin që po flasim ,tabloja është kjo që 2 deputetët kanë braktisur radhët e shumicës së dalë nga zgjedhje të vjedhura që vazhdon të qëndrojë mbi kutitë e mbyllura.
A janë qetësuar shpirtrat e tjerë në PS se mos do të ketë rrjedhje?
PS nuk është një kazermë. Është një forcë, e cila ka një fuqi të jashtëzakonshme, që lidhet edhe me faktin se ka shpirtra të trazuar.
A do të ndërmerrni nismën për një mocion mosbesimi ndaj qeverisë?
Mocionet e mosbesimit janë praktika që ndiqen normalisht në jetën parlamentare të vendeve me demokraci të zhvilluara, pavarësisht numrave. Një mocion mosbesimi në traditën e parlamenteve evropiane është një akt refuzimi i qeverisë në një moment të caktuar për një sërë arsyesh. Kështu që thënë kjo, mocioni i mosbesimit nuk është një kalkulim numrash, por është një gjest politik. Nuk përjashtohet që ne ta bëjmë këtë dhe nuk do të ishte keq që ky të bëhej pjesë e jetës parlamentare.
Sipas Kushtetutës, ju me mocionin duhet të propozoni edhe emrin e kryeministrit të ri. E keni?
Nuk përbën asnjë komplikim akti që mocioni të bëhet me një emër të caktuar, se mocioni është një gjest politik dhe s’është kalkulim. Në parlamentet evropiane mocionet janë thuajse një rit dhe thuajse asnjëherë nuk kurorëzohen me rrëzimin e qeverive.
Në çfarë rrethanash do ta bëni këtë?
Unë thashë që nuk përjashtohet një gjë e tillë, por sot ne nuk kemi në plan të bëjmë një gjë të tillë.
Çfarë vendimi prisni nga Gjykata Kushtetuese për mandatin e Ilir Beqjes?
S’ka ç’vendim të marrë ajo gjykatë, sepse kërkesa ka rënë, nuk ka marrë shumicën e prezencës. Ka marrë vetëm 70 nga shumica e të pranishmëve. Ajo kërkesë ishte shprehje e dëshpërimit, në të cilin zhytet përditë e më shumë ky pushtet që vodhi zgjedhjet.
Përtej aritmetikës në parlament, a besoni se zoti Beqaj e ka shkelur Kushtetutën?
Zoti Beqaj nuk ka qenë anëtar i Kuvendit kur ka kryer aktivitetin e tij privat dhe nuk ka ushtruar mandatin e tij në kohën që është bërë një garë nga kompania e tij., që është një kompani e ngritur për teknologjinë e lartë në Shqipëri, një nga kompanitë model në vendin tonë dhe ndërkohë kur ka ushtruar mandatin, ai vetë është tërhequr bashkë me kompaninë nga realizimi i këtij projekti dhe nuk ka marrë pjesë në fazën e tretë. Zoti Beqaj ka qenë në respekt të ligjit dhe Kushtetutës dhe në sajë të edukatës qytetare, që e bën atë një ndër përfaqësuesit më të shquar të popullit.
Pse morët pjesë në tryezën e thirrur nga kryeministri? Kur e vendosët?
Ne kemi deklaruar që nuk marrim pjesë në një tryezë për reformën zgjedhore, për sa kohë nuk do të bëhet transparenca e zgjedhjeve të shkuara, në mënyrë që zgjedhjet e ardhshme të mos kenë të njëjtin fat si të shkuarat. Vajtja ime në tryezë ishte detyrimi im që në emër të opozitës të mbaja edhe aty qëndrimin tonë duke dorëzuar edhe një ofertë të re, për të zgjidhur një krizë që e mban hapur Berisha, por e paguajnë të gjithë shqiptarët. Është shumë e rëndësishme të kuptohet që opozita e bashkuar dhe PS do të vazhdojë të kërkojnë transparencën dhe garancinë e domosdoshme për zgjedhje të lira në Shqipëri.
Përse ndryshuat mendim nga një ‘jo’ e prerë që thatë kur ju bë ftesa nga Berisha?
Unë nuk kam ndryshuar asnjë mendim. Ne kemi thënë dhe e kam përsëritur edhe në tavolinë. Ne nuk bëjmë pjesë në një tryezë për një reformë të re zgjedhore në rast se nuk fillon procesi i transparencës për zgjedhjet e kaluara. Vajta ime është konfirmim i qëndrimit që Shqipërisë nuk i duhet një ligj tjetër elektoral në letër, por i duhet zbatimi i ligjit.
Sa ka ndikuar zv/Sekretari amerikan Kantrimen në pjesëmarrjen tuaj?
Nuk folëm asnjë sekondë për këtë tryezë dhe aq më tepër të flitej nëse do shkohet apo jo aty. Ka qenë një takim jashtëzakonisht i pëlqyeshëm, pasi kam gjetur tek bashkëbiseduesi një njeri me një njohje të pazakontë të rajonit dhe me aftësi komunikuese të jashtëzakonshme.
A ju tha se gabuat duke mos votuar ligjin për Gjykatën Administrative?
Jo.
Nëse doni qëndrimin tim ndaj qëndrimit të ambasadës së SHBA, unë e kam thënë që ne jemi shumë të keqardhur dhe ndjehemi vërtet jo mirë që ky ligj nuk kaloi.
A i kërkuat ndërmjetësim për të tejkaluar krizën?
Më lejoni të them që në ato nivele, biseda ka një tjetër etikë nga niveli i tavolinave të kafeneve në atdheun tonë të vogël.
Kur e vendosët të shkonit në tryezë, në çfarë momenti?
Nuk kam pasur asnjëherë dyshimin se nuk do të isha në atë tryezë.
Në rast se do të riorganizohet ajo tavolinë, do të jem aty përsëri për të shprehur të njëjtin qëndrim për transparencë.
Çfarë ka oferta e re?
Oferta e re është bërë publike. Do të theksoja faktin se kjo ofertë është e shkruar e zeza mbi të bardhë mbi rezolutën e PE-së dhe është një hap konkret për të zbatuar rezolutën e PE-së për integrimin e Shqipërisë.
Keni hequr dorë nga shqyrtimi i fletëve të votimit?
Kemi ndarë qartazi materialet e votimit dhe fletët e votimit, për të cilat shpresoj që Kryeministri të mbajë fjalën një herë të vetme dhe të mos i prekë deri në vitin 2013.
Kanë kaluar 5 ditë nga paraqitja e ofertës. Si e shpjegoni vonesën e përgjigjes së zotit Berisha?
Defekti më i madh i zotit Berisha është mungesa e seriozitetit ndaj ne të tjerëve. Ne kemi veprimin tonë të planifikuar dhe do të vazhdojmë ta shkallëzojmë sipas planit tonë.
Një herë thoni do nisim protestat, pastaj i stoponi dhe shkoni në tryezë. Cili është qëndrimi real?
Njerëzit që përfaqësojnë të tjerët, ulen në tryezë edhe kur janë në luftë me palën tjetër. Të ulurit në tryezë nuk komprometon as luftën dhe jo më një betejë politike që në kushtet tona është një betejë, po s’ngjan me luftën. Kështu që ajo që dua të theksoj në lidhje me veprimin tonë është se ne jemi të qartë dhe të vendosur për ta çuar përpara kauzën e transparencës, e cila është një domosdoshmëri për të pasur zgjedhje të lira dhe të ndershme. Shqipëria ka nevojë për një proces demokratik dhe qeverisës që të jetë transparent.
Çfarë ofroni tjetër, veç pritjes për realizimin e ofertës që keni bërë në tryezë?
Ne e kemi bërë ofertën tonë dhe i takon maxhorancës të japë përgjigjen e saj. Protestat janë pjesë e përpjekjes sonë. Ballafaqimi me këtë pushtet të vjedhur është një konstante e përpjekjes sonë, kudo në shesh, parlament, në studiot televizive, përballë qytetarëve.
Do të merrni pjesë në procesin e ndryshimit të Kodit Zgjedhor, në rast se nuk do të realizohet kjo ofertë që sa vjen e tkurret?
Nuk ka asgjë që sa vjen e tkurret. Ka një kërkesë për transparencë dhe ka një vendosmëri për ta bërë këtë transparencë dhe ka një vetëdije se kjo mund të bëhet në rrugën e kompromisit që nuk i mbyll përgjithnjë provat e vjedhjes së 28 qershorit.
A i qëndroni premtimit se nuk do merrni pjesë në zgjedhjet e ardhshme pa u bërë transparenca?
Unë nuk kam thënë kështu. Kjo është një ëndërr që e shikon Sali Berisha dhe Ilir Meta. Ne nuk do të lejojmë bërjen e zgjedhjeve të tjera, pa u bërë transparenca e atyre që shkuan.
Për dy muaj rresht ndërmorët një stuhi të vërtetët publike kundër një sërë protagonistësh të së djathtës. Ka ndonjë një javë sikur këto sulme janë fshirë komplet...
Ne kemi ndërtuar një proces transparence, i cili ka në bazën e vet angazhimin që kemi marrë me njëri-tjetrin dhe me publikun për të dëshmuar mbi të vërtetën. Ju kanë akuzuar si Mister 20%, duke iu referuar një kontrate te kodrat e Liqenit dhe një nga biznesmenët, sipas zotit Berisha, është mik i afërt i juaji...?
Ky është problemi që zoti Berisha ka ngritur gjithë këtë akuzë dhe sot, unë nuk kam parë një përfaqësues të një media të thotë: dua të njihem me të gjithë dokumentacionin që disponon Bashkia e Tiranës për këtë çështje dhe të trajtojë fund e krye të gjithë problematikën që prek kjo akuzë qesharake, por edhe shqetësuese e kryeministrit të vendit, i cili ka angazhuar një fushatë balte në adresë të opozitës dhe timen me një qëllim që të provojë para shqiptarëve që ata s’kanë asnjë arsye që ata të shpresojnë për një ndryshim. Bën ç’është e mundur të provojë se të gjithë i kanë duart e pista. Është një taktikë e njohur, është një përpjekje që nuk është e para herë që ndodh në botën ku jetojmë.
Ju, a keni kërkuar ndryshim destinacioni të ambienteve nga ambient sportiv, në truall ndërtimi për këtë projekt?
Asnjë projekt nuk është i fajshëm në vetvete. Asnjë vepër nuk është e fajshme në vetvete. Ajo që përbën faj është korruptimi i procesit të realizimit të një projekti, kështu që po të më pyesni a ka ndryshuar destinacioni i një zone në Tiranë, kjo nuk ka lidhje me provën e asnjë akuze apo asnjë lloj insinuate. Po të më pyesni se ç’lidhje ka një kontratë e paraqitur nga një zonjë e pushtetit nën akuzë ju them që s’ka asnjë lidhje.
Përse e ka kundërshtuar PS projektin për ndërtimin e godinës së re të parlamentit te Piramida?
Piramida e dikurshme e diktatorit, kështu thotë edhe zoti Berisha dhe e thotë këtë me bindjen se i jep të drejtë vetes që ta shembë piramidën a thua se po shemb aty edhe diktaturën. Këto janë mendësi dhe sjellje talebane që nuk kanë lidhje me Evropën ku jetojmë, sepse me këtë mendësi e sjellje i bie që gjermania të prishë Rajshtagun, që italianët ta shembin parlamentin e tyre ku për një periudhë kohe ka folur dhe janë rreshtuar në tryezën e qeverisë fashistët, i bie që të shemben të gjitha godinat e ngritura nga regjimet totalitare. Kjo është një marrëzi. Kjo nuk ka lidhje fare me atë çka ka nevojë ky vend. Është njësoj sikur në atë tavolinë t’i thosha zotit Berisha si s’të vjen turp që je ulur në karrigen e Enver Hoxhës apo ke mbledhur tryezën në zyrën ku bëheshin mbledhjet e Byrosë. I bie që të shembin edhe godinën e ish-Komitetit Qendror, edhe Jozefinën ta nxjerrim nga zyra e Enver Hoxhës. Pastaj t’i kthehemi edhe Universitetit se e kanë ndërtuar fashistët. Po ku është pastaj historia e këtij vendi, ku janë gjurmët e kësaj historie. Si ka mundësi që kjo qeveri ka iniciuar kohë më parë një konkurs ndërkombëtar edhe me arkitektë, u bë një konkurs mjaft i mirë dhe ky konkurs u harrua tërësisht dhe u hodhën në lumë edhe ato para. Pastaj u hodhën edhe ca miliona euro për tu bërë një teatër në Piramidë dhe ajo u zhvesh edhe nga mermeri. Nuk dihet se ku shkuan ato pllaka.
Këta zotërinj nuk erdhën të kërkojnë edhe mendimin e Bashkisë së Tiranës, sepse bëhet me miratimin e bashkisë së Tiranës. Ai plan i bashkisë së Tiranës ka edhe godinat duhet të ruhen.
Vizat, a janë disavantazh për ju?
Nuk është një eveniment, të cilin shqiptarët duhet t’ia dedikojnë kësaj qeverie, e cila ngeli në klasë për vite me radhë, sepse nuk ia dha këtë mundësi shqiptarëve bashkë me të tjerët.
Ju do shkoni me këtë koalicion në zgjedhjet lokale?
Së pari zgjedhjet lokale janë ende larg ndërkohë që beteja jonë vazhdon. Çdo muaj ne do të kërkojmë transparencë dhe largimin e kësaj qeverie. Largimi i qeverisë dhe zgjedhjet e parakohshme janë e vetmja rrugë për ta nxjerrë Shqipërinë nga kjo krizë.
A bëhet fjalë për një afrim të LSI-së?
LSI ka bërë zgjedhjen e saj të qartë si patericë e PD-së dhe Ilir Meta ka bërë zgjedhjen si pjesë e një koalicioni të dalë nga zgjedhje të grabitura.
Nëse e prish koalicionin me Berishën a e pranoni?
Nuk flasim me nëse, por me fakte dhe prova të një jete të përditshme të shqiptarëve, e cila po rëndohet.
A do të kandidoni ju si kryetar bashkie?
Kjo është një çështje që do të flasim në kohën e duhur.
A ju duket normale që shefi i opozitës të kandidojë për kryetar bashkie?
Unë kam qenë shef i opozitës kur kam kandiduar edhe për kryetar bashkie.
Akoma s’e keni vendosur?
PS është parti e madhe dhe për të tretën herë e kujtoj nuk është kazermë dhe as logo në dorën e një njeriu të vetëm.
Zoti Rama, përse nxituat të jepnit një version politik të vrasjes së kryetarit të komunës së Tërthorit, Remzi Veseli?
Sepse është vrarë në mënyrë makabre një i zgjedhur i popullit. Është e dyta herë që ndodh. Jemi në pritje të reagimit të strukturave përgjegjëse të krimit në Shqipëri. Ne sot kemi kërkuar me forcë zbardhjen e së vërtetës, por gjithashtu kemi nënvizuar se për ne, kjo është një këmbanë që bie përsëri dhe jo këmbanë që bie për herë të parë.
Si i gjykoni deklaratat e ministrit të Brendshëm?
Unë gjykoj që Sali Berisha ka dështuar dhe ka dështuar edhe me rendin dhe sigurinë në vend, pasi sot, siguria është më e ulët se kurrë dhe krimi po kap maja të panjohura më parë në kushtet e një normaliteti, duke pasur parasysh vitin 1997. Ky vit ka shënuar në rritje rreth 30% të veprave kriminale nga vrasjet deri tek vjedhjet me armë në dorë dhe kjo pamje është thjesht pjesë e një mozaiku të dështimit të Sali Berishës dhe kësaj qeverie ku bën pjesë edhe ministri i Brendshëm.
Të flasim për dasmën. A është ky një veprim racional i juaji dhe, a është një përpjekje për të trukuar imazhin tuaj si kryetar i opozitës; nga një bohem, u kthyet në një njeri tradicional?
Ndoshta çudia do të ishte sikur të isha kthyer në bohem nga një tradicional dhe jo e kundërta. Besoj se ky është një zhvillim i një natyre njerëzore. I mirëkuptoj komentet dhe interpretimet mediatike lidhur me një ngjarje njerëzore, për faktin se unë mirëkuptoj edhe aspektin tjetër që ka të bëjë me qenien time politike dhe publike. Por, duhet ta rikujtoj që unë jam një njeri si të gjithë të tjerët dhe ashtu si çdo njeri, kam të drejtën e lirinë e një të drejte private dhe e zgjedhjeve të mia, që janë zgjedhje të një njeriu që kërkon të bëjë jetën e tij me dashurinë dhe besimin e tij drejt një dashurie.
Tani që jeni i martuar, a mendoni se beqarinë e keni pasur një lloj handikapi?
Ashtu sikundër kjo që ka ndodhur është një ngjarje njerëzore, ashtu edhe në të shkuarën unë kam qenë në rrugën e jetës sime me të gjitha andrallat dhe dëshirat e një njeriu që nuk ka qenë i pamartuar dje, dhe nuk është i martuar sot për asnjë arsye në botë, veçse për arsyet e zemrës dhe mendjes së tij.
Keni deklaruar se do jetoni në një shtëpi me qira, dhe kursimet tuaja janë 3 mijë euro. Si është e vërteta?
Unë shfaqem në publik ashtu siç jam dhe sigurisht, që krahasuar me njerëzit e varfër, unë s’jam i varfër, por as jam një njeri i pasur. Dhe nuk ka asnjë arsye për t’u çuditur që ne do të jetojmë në një apartament me qira, çka nuk do të thotë se nuk do të përpiqemi të kemi diçka tonën, ashtu siç e kanë edhe njerëzit e tjerë, sigurisht kur të krijohet mundësia.
Nuk keni kursyer aq sa të blini një apartament?
Unë kam marrë një kredi dikur dhe sigurisht, që bashkë me Lindën do të jemi në gjendje të kemi diçka tonën me kalimin e kohës.
A kishte domethënie vendi dhe kjo pjesë e dekorit që ju zgjodhët për të bërë dasmën?
Ajo ishte një ftesë për një numër të madh njerëzish dhe kjo hapësirë u zgjodh për të mirëpritur këtë numër të madh miqsh dhe dashamirësish.
Çfarë kriteresh zgjodhët për të ftuarit?
Unë mirëkuptoj lidhjen e një diçkaje që unë bëj me jetën time, por nga ana tjetër, ju rikujtoj që unë jam njeri si të gjithë njerëzit e tjerë dhe kam një jetë timen, që kam të drejtë ta jetoj si të gjithë të tjerët. Kjo është një ngjarje që çdo njeri në rastin tim e ka të pamundur të mos ftojë bashkëpunëtorë, miq dashamirës, gjë që i dha një pamje madhështore në numër asaj feste, por që plotësoi edhe dëshirën tonë për të trokitur një gotë në atë moment.
Si ishte ceremonia private e kryetarit të PS-së? A kishte njerëz të padëshiruar aty?
Këto të dyja janë të vështira të ndahen, por unë ju siguroj se në festën tonë nuk kishte asnjë të padëshiruar.
A kishte mungesë të ndonjë njeriu që do të donit të ndodhej?
Jam i bindur që ata që kanë munguar, kanë munguar për arsye madhore, por më kanë dërguar urimet e tyre.
Po Blushi ishte një nga ata që munguan?
Edhe ai hyn ndër ata që kanë munguar dhe nuk kanë munguar të bëjnë urimin e tyre.
Ç’ndjesi ju la tufa me lule që ju erdhi nga protokolli i Kryeministrisë?
Ndjesinë e një detyrimi protokollar.
E vendosët në një vazo?
Nuk e kam ndjekur më rrugëtimin e tufës që erdhi.
Me ç’cilësi ishte i ftuar presidenti Topi në dasmë?
Ai ishte i ftuar në dasmën tonë si një njeri i nderuar dhe i respektuar nga Linda dhe nga unë.
Cili qe urimi më i bukur?
Kam pasur shumë urime të bukura, por ndoshta pa dashur të bëj asnjë lloj ndarjeje, do të veçoja urimin që më bëri Dritëro Agolli, futur në kutinë e penës së tij. Një urim i shkruar me dorën, që për shkak të moshës, e ka vështirë të shkruajë. Një tekst i thjeshtë, por një dëshmi kuptimplotë, e cila do të mbetet pjesë e sirtarit të kujtimeve të mia për pjesën e mbetur të jetës.
Pamë në këtë ceremoni kundërshtarë tuajt si Islamin, Marko Bellon. A ka një lloj domethënieje ardhja e tyre?
Unë nuk jam një kryetar që jam edhe njeri, unë jam një njeri që jam edhe kryetar partie. Njeriu edhe jeta e tij vlen më shumë se sa një rol në jetën publike si ky që kam sot dhe marrëdhëniet njerëzore janë shumë më tepër se sa marrëdhëniet e punës, të cilat për shkak të punës kanë ulje-ngritjet. Aq më tepër në një parti si e jona që nuk është një kazermë, por një bashkim vullnetar.
Sa për qind të të ftuarve do kishe ftuar nëse s’do ishe kryetar?
Pyetja do ishte se sa për qind e tyre do të ishin të interesuar të vinin në festën e një piktori. Për shkak të jetës sime kam rrethe miqsh që shtrihen që nga arti e kultura, deri te politika.
Zoti Rama, ka një merkato deputetësh që ikin nga PD-ja, nga LSI-ja. Vangjel Tavo mbetet ende pezull, ndërkohë që ju ka vënë edhe një ultimatum...
Nuk ka asnjë ultimatum. Do e mirëpres ende sot që ta takoj Vangjelin dhe të bisedoj me të lidhur me shqetësimet që ai ka dhe me problemet që ai thotë se ka shtruar, por sigurisht që nuk janë probleme që mund të zgjidhen në distancë, por shtrohen e zgjidhen në tryezën e diskutimeve të lira mes nesh. Për sa i takon asaj që quajtët merkato, sigurisht që ka pasur në historinë e parlamentit shqiptar momente të neveritshme shitje të deputetëve, por këto momente janë të lidhura me shtrirjen e dorës së pushtetit për të tërhequr përmes ofertave të çfarëdolloj natyre deputetët e opozitës dhe jo me largime të deputetëve nga radhët e pushtetit në opozitë. Kështu që deri në momentin që po flasim ,tabloja është kjo që 2 deputetët kanë braktisur radhët e shumicës së dalë nga zgjedhje të vjedhura që vazhdon të qëndrojë mbi kutitë e mbyllura.
A janë qetësuar shpirtrat e tjerë në PS se mos do të ketë rrjedhje?
PS nuk është një kazermë. Është një forcë, e cila ka një fuqi të jashtëzakonshme, që lidhet edhe me faktin se ka shpirtra të trazuar.
A do të ndërmerrni nismën për një mocion mosbesimi ndaj qeverisë?
Mocionet e mosbesimit janë praktika që ndiqen normalisht në jetën parlamentare të vendeve me demokraci të zhvilluara, pavarësisht numrave. Një mocion mosbesimi në traditën e parlamenteve evropiane është një akt refuzimi i qeverisë në një moment të caktuar për një sërë arsyesh. Kështu që thënë kjo, mocioni i mosbesimit nuk është një kalkulim numrash, por është një gjest politik. Nuk përjashtohet që ne ta bëjmë këtë dhe nuk do të ishte keq që ky të bëhej pjesë e jetës parlamentare.
Sipas Kushtetutës, ju me mocionin duhet të propozoni edhe emrin e kryeministrit të ri. E keni?
Nuk përbën asnjë komplikim akti që mocioni të bëhet me një emër të caktuar, se mocioni është një gjest politik dhe s’është kalkulim. Në parlamentet evropiane mocionet janë thuajse një rit dhe thuajse asnjëherë nuk kurorëzohen me rrëzimin e qeverive.
Në çfarë rrethanash do ta bëni këtë?
Unë thashë që nuk përjashtohet një gjë e tillë, por sot ne nuk kemi në plan të bëjmë një gjë të tillë.
Çfarë vendimi prisni nga Gjykata Kushtetuese për mandatin e Ilir Beqjes?
S’ka ç’vendim të marrë ajo gjykatë, sepse kërkesa ka rënë, nuk ka marrë shumicën e prezencës. Ka marrë vetëm 70 nga shumica e të pranishmëve. Ajo kërkesë ishte shprehje e dëshpërimit, në të cilin zhytet përditë e më shumë ky pushtet që vodhi zgjedhjet.
Përtej aritmetikës në parlament, a besoni se zoti Beqaj e ka shkelur Kushtetutën?
Zoti Beqaj nuk ka qenë anëtar i Kuvendit kur ka kryer aktivitetin e tij privat dhe nuk ka ushtruar mandatin e tij në kohën që është bërë një garë nga kompania e tij., që është një kompani e ngritur për teknologjinë e lartë në Shqipëri, një nga kompanitë model në vendin tonë dhe ndërkohë kur ka ushtruar mandatin, ai vetë është tërhequr bashkë me kompaninë nga realizimi i këtij projekti dhe nuk ka marrë pjesë në fazën e tretë. Zoti Beqaj ka qenë në respekt të ligjit dhe Kushtetutës dhe në sajë të edukatës qytetare, që e bën atë një ndër përfaqësuesit më të shquar të popullit.
Pse morët pjesë në tryezën e thirrur nga kryeministri? Kur e vendosët?
Ne kemi deklaruar që nuk marrim pjesë në një tryezë për reformën zgjedhore, për sa kohë nuk do të bëhet transparenca e zgjedhjeve të shkuara, në mënyrë që zgjedhjet e ardhshme të mos kenë të njëjtin fat si të shkuarat. Vajtja ime në tryezë ishte detyrimi im që në emër të opozitës të mbaja edhe aty qëndrimin tonë duke dorëzuar edhe një ofertë të re, për të zgjidhur një krizë që e mban hapur Berisha, por e paguajnë të gjithë shqiptarët. Është shumë e rëndësishme të kuptohet që opozita e bashkuar dhe PS do të vazhdojë të kërkojnë transparencën dhe garancinë e domosdoshme për zgjedhje të lira në Shqipëri.
Përse ndryshuat mendim nga një ‘jo’ e prerë që thatë kur ju bë ftesa nga Berisha?
Unë nuk kam ndryshuar asnjë mendim. Ne kemi thënë dhe e kam përsëritur edhe në tavolinë. Ne nuk bëjmë pjesë në një tryezë për një reformë të re zgjedhore në rast se nuk fillon procesi i transparencës për zgjedhjet e kaluara. Vajta ime është konfirmim i qëndrimit që Shqipërisë nuk i duhet një ligj tjetër elektoral në letër, por i duhet zbatimi i ligjit.
Sa ka ndikuar zv/Sekretari amerikan Kantrimen në pjesëmarrjen tuaj?
Nuk folëm asnjë sekondë për këtë tryezë dhe aq më tepër të flitej nëse do shkohet apo jo aty. Ka qenë një takim jashtëzakonisht i pëlqyeshëm, pasi kam gjetur tek bashkëbiseduesi një njeri me një njohje të pazakontë të rajonit dhe me aftësi komunikuese të jashtëzakonshme.
A ju tha se gabuat duke mos votuar ligjin për Gjykatën Administrative?
Jo.
Nëse doni qëndrimin tim ndaj qëndrimit të ambasadës së SHBA, unë e kam thënë që ne jemi shumë të keqardhur dhe ndjehemi vërtet jo mirë që ky ligj nuk kaloi.
A i kërkuat ndërmjetësim për të tejkaluar krizën?
Më lejoni të them që në ato nivele, biseda ka një tjetër etikë nga niveli i tavolinave të kafeneve në atdheun tonë të vogël.
Kur e vendosët të shkonit në tryezë, në çfarë momenti?
Nuk kam pasur asnjëherë dyshimin se nuk do të isha në atë tryezë.
Në rast se do të riorganizohet ajo tavolinë, do të jem aty përsëri për të shprehur të njëjtin qëndrim për transparencë.
Çfarë ka oferta e re?
Oferta e re është bërë publike. Do të theksoja faktin se kjo ofertë është e shkruar e zeza mbi të bardhë mbi rezolutën e PE-së dhe është një hap konkret për të zbatuar rezolutën e PE-së për integrimin e Shqipërisë.
Keni hequr dorë nga shqyrtimi i fletëve të votimit?
Kemi ndarë qartazi materialet e votimit dhe fletët e votimit, për të cilat shpresoj që Kryeministri të mbajë fjalën një herë të vetme dhe të mos i prekë deri në vitin 2013.
Kanë kaluar 5 ditë nga paraqitja e ofertës. Si e shpjegoni vonesën e përgjigjes së zotit Berisha?
Defekti më i madh i zotit Berisha është mungesa e seriozitetit ndaj ne të tjerëve. Ne kemi veprimin tonë të planifikuar dhe do të vazhdojmë ta shkallëzojmë sipas planit tonë.
Një herë thoni do nisim protestat, pastaj i stoponi dhe shkoni në tryezë. Cili është qëndrimi real?
Njerëzit që përfaqësojnë të tjerët, ulen në tryezë edhe kur janë në luftë me palën tjetër. Të ulurit në tryezë nuk komprometon as luftën dhe jo më një betejë politike që në kushtet tona është një betejë, po s’ngjan me luftën. Kështu që ajo që dua të theksoj në lidhje me veprimin tonë është se ne jemi të qartë dhe të vendosur për ta çuar përpara kauzën e transparencës, e cila është një domosdoshmëri për të pasur zgjedhje të lira dhe të ndershme. Shqipëria ka nevojë për një proces demokratik dhe qeverisës që të jetë transparent.
Çfarë ofroni tjetër, veç pritjes për realizimin e ofertës që keni bërë në tryezë?
Ne e kemi bërë ofertën tonë dhe i takon maxhorancës të japë përgjigjen e saj. Protestat janë pjesë e përpjekjes sonë. Ballafaqimi me këtë pushtet të vjedhur është një konstante e përpjekjes sonë, kudo në shesh, parlament, në studiot televizive, përballë qytetarëve.
Do të merrni pjesë në procesin e ndryshimit të Kodit Zgjedhor, në rast se nuk do të realizohet kjo ofertë që sa vjen e tkurret?
Nuk ka asgjë që sa vjen e tkurret. Ka një kërkesë për transparencë dhe ka një vendosmëri për ta bërë këtë transparencë dhe ka një vetëdije se kjo mund të bëhet në rrugën e kompromisit që nuk i mbyll përgjithnjë provat e vjedhjes së 28 qershorit.
A i qëndroni premtimit se nuk do merrni pjesë në zgjedhjet e ardhshme pa u bërë transparenca?
Unë nuk kam thënë kështu. Kjo është një ëndërr që e shikon Sali Berisha dhe Ilir Meta. Ne nuk do të lejojmë bërjen e zgjedhjeve të tjera, pa u bërë transparenca e atyre që shkuan.
Për dy muaj rresht ndërmorët një stuhi të vërtetët publike kundër një sërë protagonistësh të së djathtës. Ka ndonjë një javë sikur këto sulme janë fshirë komplet...
Ne kemi ndërtuar një proces transparence, i cili ka në bazën e vet angazhimin që kemi marrë me njëri-tjetrin dhe me publikun për të dëshmuar mbi të vërtetën. Ju kanë akuzuar si Mister 20%, duke iu referuar një kontrate te kodrat e Liqenit dhe një nga biznesmenët, sipas zotit Berisha, është mik i afërt i juaji...?
Ky është problemi që zoti Berisha ka ngritur gjithë këtë akuzë dhe sot, unë nuk kam parë një përfaqësues të një media të thotë: dua të njihem me të gjithë dokumentacionin që disponon Bashkia e Tiranës për këtë çështje dhe të trajtojë fund e krye të gjithë problematikën që prek kjo akuzë qesharake, por edhe shqetësuese e kryeministrit të vendit, i cili ka angazhuar një fushatë balte në adresë të opozitës dhe timen me një qëllim që të provojë para shqiptarëve që ata s’kanë asnjë arsye që ata të shpresojnë për një ndryshim. Bën ç’është e mundur të provojë se të gjithë i kanë duart e pista. Është një taktikë e njohur, është një përpjekje që nuk është e para herë që ndodh në botën ku jetojmë.
Ju, a keni kërkuar ndryshim destinacioni të ambienteve nga ambient sportiv, në truall ndërtimi për këtë projekt?
Asnjë projekt nuk është i fajshëm në vetvete. Asnjë vepër nuk është e fajshme në vetvete. Ajo që përbën faj është korruptimi i procesit të realizimit të një projekti, kështu që po të më pyesni a ka ndryshuar destinacioni i një zone në Tiranë, kjo nuk ka lidhje me provën e asnjë akuze apo asnjë lloj insinuate. Po të më pyesni se ç’lidhje ka një kontratë e paraqitur nga një zonjë e pushtetit nën akuzë ju them që s’ka asnjë lidhje.
Përse e ka kundërshtuar PS projektin për ndërtimin e godinës së re të parlamentit te Piramida?
Piramida e dikurshme e diktatorit, kështu thotë edhe zoti Berisha dhe e thotë këtë me bindjen se i jep të drejtë vetes që ta shembë piramidën a thua se po shemb aty edhe diktaturën. Këto janë mendësi dhe sjellje talebane që nuk kanë lidhje me Evropën ku jetojmë, sepse me këtë mendësi e sjellje i bie që gjermania të prishë Rajshtagun, që italianët ta shembin parlamentin e tyre ku për një periudhë kohe ka folur dhe janë rreshtuar në tryezën e qeverisë fashistët, i bie që të shemben të gjitha godinat e ngritura nga regjimet totalitare. Kjo është një marrëzi. Kjo nuk ka lidhje fare me atë çka ka nevojë ky vend. Është njësoj sikur në atë tavolinë t’i thosha zotit Berisha si s’të vjen turp që je ulur në karrigen e Enver Hoxhës apo ke mbledhur tryezën në zyrën ku bëheshin mbledhjet e Byrosë. I bie që të shembin edhe godinën e ish-Komitetit Qendror, edhe Jozefinën ta nxjerrim nga zyra e Enver Hoxhës. Pastaj t’i kthehemi edhe Universitetit se e kanë ndërtuar fashistët. Po ku është pastaj historia e këtij vendi, ku janë gjurmët e kësaj historie. Si ka mundësi që kjo qeveri ka iniciuar kohë më parë një konkurs ndërkombëtar edhe me arkitektë, u bë një konkurs mjaft i mirë dhe ky konkurs u harrua tërësisht dhe u hodhën në lumë edhe ato para. Pastaj u hodhën edhe ca miliona euro për tu bërë një teatër në Piramidë dhe ajo u zhvesh edhe nga mermeri. Nuk dihet se ku shkuan ato pllaka.
Këta zotërinj nuk erdhën të kërkojnë edhe mendimin e Bashkisë së Tiranës, sepse bëhet me miratimin e bashkisë së Tiranës. Ai plan i bashkisë së Tiranës ka edhe godinat duhet të ruhen.
Vizat, a janë disavantazh për ju?
Nuk është një eveniment, të cilin shqiptarët duhet t’ia dedikojnë kësaj qeverie, e cila ngeli në klasë për vite me radhë, sepse nuk ia dha këtë mundësi shqiptarëve bashkë me të tjerët.
Ju do shkoni me këtë koalicion në zgjedhjet lokale?
Së pari zgjedhjet lokale janë ende larg ndërkohë që beteja jonë vazhdon. Çdo muaj ne do të kërkojmë transparencë dhe largimin e kësaj qeverie. Largimi i qeverisë dhe zgjedhjet e parakohshme janë e vetmja rrugë për ta nxjerrë Shqipërinë nga kjo krizë.
A bëhet fjalë për një afrim të LSI-së?
LSI ka bërë zgjedhjen e saj të qartë si patericë e PD-së dhe Ilir Meta ka bërë zgjedhjen si pjesë e një koalicioni të dalë nga zgjedhje të grabitura.
Nëse e prish koalicionin me Berishën a e pranoni?
Nuk flasim me nëse, por me fakte dhe prova të një jete të përditshme të shqiptarëve, e cila po rëndohet.
A do të kandidoni ju si kryetar bashkie?
Kjo është një çështje që do të flasim në kohën e duhur.
A ju duket normale që shefi i opozitës të kandidojë për kryetar bashkie?
Unë kam qenë shef i opozitës kur kam kandiduar edhe për kryetar bashkie.
Akoma s’e keni vendosur?
PS është parti e madhe dhe për të tretën herë e kujtoj nuk është kazermë dhe as logo në dorën e një njeriu të vetëm.