“Edi Rama, jep dorëheqjen”- Salianji: I ka vënë qytetarët përballë policisë, përgjegjësi politike e tij

Ish-deputeti i PD-së, Ervin Salianji, ka reaguar në rrjetet sociale për përplasjet gjatë protestave, duke bërë përgjegjës kryeministrin Edi Rama për situatën e krijuar në vend.

Salianji thekson se qytetarët dhe punonjësit e policisë nuk janë armiq, por palë që përballen me të njëjtat vështirësi, ndërsa akuzon qeverinë se po i vë kundër njëri-tjetrit.

Postimi i Ervin Salianjit: 

Shqipëria po përjeton sot një përplasje të fortë prej keqqqeverisjes se Edi Ramës. Ai është përgjegjës, dhe ka ndarë dy palë që në thelb kanë të njëjtat halle: qytetarëve të varfër, të rinj të shtypur dhe të keqtrajtuar nga njëra anë, dhe punonjës të Policisë, të keqtrajtuar e të përdorur nga pushteti, nga ana tjetër.

Ata nuk janë armiq. Ata kanë të njëjtat shqetësime, të njëjtën pasiguri dhe të njëjtën nevojë për dinjitet.

Përgjegjësia politike për këtë përplasje i takon Edi Ramës që i vë qytetarët përballë njëri-tjetrit, në vend që t’u japë zgjidhje halleve të tyre.

Shqipëria nuk ka nevojë për më shumë përçarje, dhunë dhe padrejtësi. Ka nevojë për përgjegjësi, dinjitet dhe ndryshim.

Edi Rama, jep dorëheqjen!