Egjipt, kandidatët i rrëzon edhe apeli

Dhjetë kandidatët në zgjedhjet presidenciale egjiptiane, të cilët ishin ankuar për përjashtimin e tyre, humbën edhe në Gjykatën e Apelit pretendimin e tyre.

Paneli gjyqësor nuk gjeti asnjë provë të re të ishte evidentuar nga kandidatët, duke përfshirë ish-shefin e spiunazhit Omar Suleiman dhe liderin e Vëllazërisë Myslimane, Khairat al-Shater.

Ultrakonservatori Salafist, Hazem Ebu Ismail, gjithashtu humbi apelin e tij. Të tre ishin konsideruar pretendentë kryesorë.

Një listë përfundimtare e kandidatëve do të publikohet në datën 26 prill, kur fushata zgjedhore fillon zyrtarisht.

Raundi i parë i votimit është caktuar më 23 dhe 24 maj, pas së cilës pritet në qershor të ketë një balotazh ndërmjet dy kandidatëve më të votuar.