Ekstradohet nga Spanja 24 vjeçarja

Interpol Tirana ka kryer një ditë më parë, ekstradimin nga Spanja në Drejtim të Shqipërisë të shtetases Valmira Mahmutaj 24 vjeç, lindur në Berat. Ekstradimi i saj u bë, pasi Gjykata e Shkallës së Parë për Krime të Rënda Tiranë, në 2006, e ka dënuar shtetasen e mësipërme, me 15 (pesëmbëdhjetë) vjet burg, për kryerjen e veprës penale të "Trafikimit të të miturve". Në 2004-ën, në Prokurorinë pranë Gjykatës së Rrethit Gjyqësor Berat kanë bërë kallëzim dy të miturat A.K 18 vjeç dhe M. E 19 vjeç. Ato kanë deklaruar se shtetasja Valmira Mahmutaj në bashkëpunim me persona të tjerë, nga qyteti i Sarandës kanë tentuar të kalojnë dy të miturat në Greqi, dhe më pas në Itali. Si rezultat i bashkëpunimit të Interpol-Tirana me Interpol-Madridin në datën 08.11.2007, në Spanjë, u bë i mundur arrestimi me qëllim ekstradimi i kësaj shtetaseje.