El Mundo Deportivo: Perez marrëveshje me Kakanë

Madrid - Gazeta prestigjoze El Mundo Deportivo publikon se Florentino Perez ka arritur një marrëveshje me yllin brazilian të futbollit, Rikardo Kaka. Gazeta spanjolle citon burime brenda klubit, të cilat deklarojnë se Florentino Perez do ta sjellë futbollistin e Milanit në Madrid, nëse arrin të fitojë zgjedhjet në verë.

Marrëveshja mes Perezit dhe Kakasë thuhet se është arritur që në muajin janar. Ky ishte shkaku që braziliani nuk pranoi të kalonte tek arabët e Mançester Sitit në merkaton e fundit.