Elhaida drejt fitores

Për shkak të pjesëmarrjes së këngëtares shqiptare Elhaida Dani,  "The Voice Of Italy" ka marrë shumë vëmendje edhe tek shqiptarët.

Mediat italiane kanë shpejtuar të bëjnë parashikimet e tyre. Sipas tyre, Elhaida Dani ka mundësitë më të mëdha për të qenë zëri i Italisë. Menjëherë pas saj ata rendisin Veronica De Simone  nga skuadra e Rafaella Carrà, më pas Timothy Cavicchini, nga skuadra e Piero Pelu, dhe në vendin e katërt nga skuadra e Noemit, Silvia Capasso.

Të gjitha të dhënat në fakt janë në favor të Elhaidës, shkruan "Panorama". Në Youtube, Elhaida Dani është më e klikuara krahasuar me konkurentët e saj. E njëjta situata paraqitet edhe në Facebook, ku profili i këngëtares nga Shqipëria ka më shumë pelqime, plot 23. 419. Nëse kërkon në Google me emrin e Elhaida Danit, atëherë mund të marrësh më shumë se 1 milionë përgjigje. Në iTunes, me këngën e saj të parë, “When love calls your name”, Elhaida po ashtu renditet e para. Në Twitter po ashtu, Elhaida nuk mbetet mbrapa, ajo është në vendin e tretë, menjëherë  pas Timothy Caviçhini dhe Veronica de Simone, me 2.285 ndjekës./Indeksonline/