Emergjencat, ne vend te defteses, liste notash e vulosur

Cdo nxenes, qe kerkon te pajiset me deftesen e notave per te aplikuar jashte vendit, apo per te pasur zyrtarisht rezultatet e tij, i duhet te prese edhe pak kohe. Specialistet prane Ministrise se Arsimit deklarojne se deftesat per te gjithe nxenesit do te jene gati brenda muajit korrik, por pa dhene nje date te sakte. Ata mohojne akuzat e opozites per shperndarje te deftesave te fotokopjuara per shkak te vonesave te tenderit. Sipas tyre, koha e dhenies se deftesave eshte tri jave pas perfundimit te shkolles. Nderkaq, tenderi per prodhimin e tyre eshte ende ne proces. Sipas drejtuesve te shkollave, kur nje maturant e ka emergjente deftesen per te aplikuar per jashte shtetit, atij i jepet nje liste notash, e vulosur nga institucionet arsimore. Pak dite me pare, Partia Socialiste pretendoi, nepermjet kryetares se Komisionit te Arsimit, ne Asamblene Kombetare te PS, Ledi Shamku, se Ministria e Arsimit shperndante deftesa te fotokopjuara dhe jo origjinale. Ajo eshte shprehur se skandali, nje nga me te paprecedentet e Ministrise se Arsimit dhe te kesaj qeverie, lidhet me deftesat e shkollave 9-vjecare. "Duke qene e paafte ne kryerjen e misionit te saj, MASH sot e ktheu Shqiperine ne kohen para se te formohej shteti i pare shqiptar. Ky eshte i pari vit ne historine gati 100-vjecare te shtetit shqiptar, qe nxenesit e arsimit 9-vjecar dhe atij te mesem nuk do pajisen me deftesa te rregullta, por me fotokopje, apo me keq akoma, me ca copa letrash te improvizuara nga individe neper shkolla, mbi te cilat shteti ve mandej vulen e tij", u shpreh Shamku. Por ketyre akuzave, iu pergjigj zedhenesja e Ministrise se Arsimit, duke deklaruar se shperndarja e deftesave do te kryhet ne menyre te rregullt. Sipas saj, semestri i dyte i vitit shkollor ka perfunduar me 13 qershor 2008, nderkohe qe ka procedura zyrtare per mbylljen e vitit te shkollor, ne perfundimin e te cilave qendron edhe deftesa.