Energjia, kompensim 640 leke ne muaj

Sonila Isaku
Familjet ne nevoje do te perfitojne nje pagese prej 640 leke ne muaj per rritjen e energjise elektrike. Ministri i Punes, Spiro Ksera ka bere publike shifren, e cila per rritjen e cmimit prej 13 per qind ne kete fillim viti, do te njihet si mase kompensimi nga qeveria per familjet me te ardhura te pakta. Deri me tani kjo shifer ka qene 500 leke, por me rritjen e cmimeve qeveria ka menduar qe ky kompensim te rritet me 140 leke ne muaj.
Kompensimi
Te gjitha shtresat ne nevoje do te marrin 640 leke ne muaj, si kompensim per rritjen e cmimit te energjise nga janari i ketij viti. Vendimi, i cili pritet te kaloje ne mbledhjen e qeverise, u be i ditur nga ministri i Punes dhe Ceshtjeve Sociale, Spiro Ksera, gjate Keshillit Kombetar te Punes. Sipas tij, tashme ka perfunduar vendimi per kompensimin e energjise elektrike, pas rritjes qe iu be cmimit me 1 janar te vitit 2010. "Kete jave do e dorezojme vendimin ne qeveri dhe kompensimi do te jete 640 leke per cdo familje, e cila eshte perfshire ne kategorite e percaktuara tashme. Behet fjale per familjet me te ardhura te pakta, pensionistet, invalidet e punes dhe personat me aftesi te kufizuar", u shpreh ministri Ksera. Kompensimi i energjise eshte pjese e planit social te veprimit per zbatimin e memorandumit te mirekuptimit per ceshtjet sociale, ne baze te traktatit per komunitetin e energjise ku ben pjese dhe Shqiperia. Ky memorandum vjen pas unifikimit te cmimit te energjise ne tregun evropian."Ky treg na detyron qe te unifikojme cmimin e energjise por nga ana tjeter, me ane te memorandumit ne garantojme mbrojtjen e kategorive ne nevoje",-tha Ksera.
Perfituesit
Gjate ketij takimi eshte diskutuar mbi skemen e re te subvencionimit te energjise, detajet lidhur me numrin e perfituesve dhe shumen. Aktualisht eshte parashikuar nje fond prej 2 miliarde leke per kompensimin e cmimit te energjise elektrike, duke garantuar ne kete menyre kompensim 100 per qind te vleres se rritur te energjise, per kategorite ne nevoje. "Familjet qe trajtohen me ndihme ekonomike, qe kane persona te cilet perfitojne pagese paaftesie, te papunet, buxhetoret me page mujore nen 35.000 leke, pensionistet, etj. do te perfitojne nga subvencionimi qe do te akordohet nga qeveria, per rritjen e cmimit te energjise", u shpreh ministri i Punes, Spiro Ksera. Sipas tij, do te kete edhe kategori te reja te cilat do te perfshihen ne listen e personave te cilet do te perfitojne nga kompensimi i energjise."Ne VKM qe do te pergatitet nga ekspertet, do te perfshihen edhe kategorite e reja qe do te trajtohen me ndihme ekonomike per here te pare, pas ndryshimeve te parashikuara ne ligjin "Per ndihmen dhe sherbimet shoqerore", sqaroi ministri i Punes. Deri tani, subvencionim per rritjen e cmimit te energjise elektrike kane perfituar 270 mije persona, te perfshire ne skemen e ndihmes ekonomike. Por perfshirja e buxhetoreve ne subvencionim, pritet ta rrise numrin me rreth 10 mije te tjere.

Perfitojne kompensim te energjise
Pensionistet
Familjet me te ardhura te pakta
Familjet qe trajtohen me ndihme ekonomike
Personat me aftesi te kufizuar
Personat me te ardhura te pakta
Buxhetoret me page nen 35 mije leke

Sa preken familjet shqiptare
Rritja e cmimit te energjise elektrike, nuk do te ndikoje shume mbi familjaret por tek bizneset apo entet shteterore. Kjo sepse skema e kompensimit do te jete e permuajshme. Jane rreth 290 mije familje shqiptare qe do te kompensohen dhe vlera e subvencionit eshte 960 leke ne muaj. Ekspertet e ERE-s kane deklaruar se pjesa me e madhe e familjeve shqiptare, nuk do te preken nga rritja e cmimit te energjise elektrike. Kjo pasi eshte vendosur te ruhet blloku ndares prej 300 kilovat/ore. Ne kete menyre, rreth 71 per qind e familjeve nuk konsumojne me shume se kjo sasi. Te gjithe qytetaret qe konsumojne energji nen 300 kilovat/ore do te paguajne 7.7 leke per kilovat/ore nga 7 leke qe kane paguar deri tani. Ndersa nese konsumojne mbi 300 kilovat/ore atehere cmimi 10 leke qe eshte aktualisht do te tariforet me 13.5 leke per kilovat/ore. Bizneset, me perjashtim te furrave te bukes dhe prodhimit te miellit, do te perballen me nje rritje te cmimit te energjise elektrike.