Shtesat ne pallate, 235 pronaret qe duhet te bejne pagesat
Shtesat pa leje te pallateve me leje, te cilat jane kryesisht pallatet e ndertuara para viteve '90 kane marre leje legalizimi ne shumicen dermuese te tyre, tashme kryefamiljaret duhet te bejne dhe pagesat. Agjencia e Legalizimit, Urbanizimit dhe Integrimit te Zonave/Ndertimeve Informale (ALUIZNI) ka pergatitur dokumentacionin e nevojshem tekniko-ligjor per 235 familje qe jane poseduese dhe kane vetedeklaruar per qellim legalizimi shtesat pa leje qe ata kane ndertuar ne objektet me leje ne qytetin e Tiranes (kryesisht te njesise nr.7 dhe 5, si dhe te njesise 1).
Personat e listes se meposhtme jane te lutur te paraqiten prane Drejtorise Qendrore te ALUIZNI-t, ne adresen: Rruga "Skender Kosturi", ish Instituti i Perim-Patates, Tirane, per te terhequr formularet e pagesave per shlyerjen e detyrimeve financiare te objekteve korresponduese me qellim qe te procedohet me tej me legalizimin e ketyre objekteve dhe regjistrimin e tyre.
Gjithashtu, personat, te cileve ju jane dorezuar faturat e pagesave te paraqesin vertetimin per likujdimin e ketyre faturave (akt-pagesat origjinale te bankave ku ata kane kryer pagesat). Shtesat e pallateve jane perjashtuara nga pagesat me letra me vlere.