Enya, "Ylli i Padukshëm", e mbyllur në kështjellë
Një luks, që shumë pak mund t'ia lejojnë vetes.
Enya,kurrë nuk ka dalë në ndonjë foto të shkujdesur apo në kopertinën e ndonjë reviste të famshme, sikurse kurrë nuk ka bërë edhe kapricot e zakonta të yjeve.
E megjithatë ajo ka refuzuar që të këndojë kolonën zanore te filmit "Titanic".
"Në bashkëpunime nuk mund të kesh kontrollin e plotë të produktit muzikor final", thotë ajo.
Po ashtu ka refuzuar edhe duetin me Luciano Pavarotti-n. Sipas saj ajo dhe Pavarotti nuk kishin asnjë pikë të përbashkët.
"Ylli i Padukshëm" shpenzon 250 mijë euro në vit për të ruajtur privatësinë e saj në kështjellën e Manderley, në Killney, County Dublin.
"Ndihem me fat. Jam një muzikante, Preferoj të flas vetëm me anë të muzikës sime", thotë Enya, me rastin e lancimit të albumit të saj të ri të titulluar «And Winter Came...», që do të dalë për publikun më 7 nëntor.