Holmes me një imazh të ri

10 vjet pas depërtimit në botën e show biz-it, përmes interpretimit në serialin “Dawson Creek”, Katie Holmes i rikthehet televizionit. Aktorja do të jetë e ftuar në një episod në serialin amerikan "Eli Stone".

Shfaqja e saj do të jetë e shkurtër por me siguri do të lerë shenjë, pasi ajo do të shpalosë të gjitha aftësitë e saj si këngëtare dhe si balerinë. Janë larg tashmë kohët e vajzës së thjeshtë në “Dawson Creek”, Joey Potter.

Për serialin e “ABC”, Katie Holmes do të shfaqë të gjithë feminilitetin e saj. Flokë të shkurtër, fustan i gjatë e mënyrat provokuese e kthejnë zonjën Cruise në një dive me bukuri të parezistueshme.

Episodi do të shfaqet në kanalin televiziv amerikan “ABC” në 21 tetor, por imazhet kanë nisur të qarkullojnë online.