"Erdha ketu jo te transmetoj force, por per te marre forcen qe ndodhet ketu"

Politikani italian, Marko Pannella, kryetari i Partise Radikale ne Itali dhe anetar i Parlamentit Evropian, vizitoi dje kampin e grevisteve te vendosur ne bulevardin "Deshmoret e Kombit". Ne nje komunikim per mediat pas vizites ne cadren e grevisteve, ai tha se mbeshteste greven e opozites dhe solidarizohej me ta. "Ne te gjithe ketu kemi kete trendafil, qe eshte ajo cka i ofrojme edhe kundershtareve tane. Nuk jemi armiq, dhe luftojme edhe per ata. Per kete kam ardhur ketu, ku shoket e mi, admirueshem po bejne ne kete ane te Adriatikut, te Adriatikut tim dhe tuajit, ate qe ne Itali e ne bote bejme edhe ne. Atehere duhet te them edhe per kundershtaret demokrate, qe edhe ata duhet te jene", u shpreh politikani italian. Sipas tij, aty eshte shpresa per unitetin civil demokratik, per nje unitet njerezor dhe demokratik per te gjithe ne, nga njera ane e Adriatikut, por edhe per ata nga ana tjeter e botes. Ai tha kjo eshte ajo qe na bashkon, e shpreson qe ta kuptojne edhe ata qe se kane kuptuar ende. "Ka shprese per bashkim civil e demokratik. Erdha ketu jo te transmetoj force, por per te marre forcen qe ndodhet ketu", u shpreh Panella.