Shkrimtari Kasoruho: Bera detyren time qytetare

Nje prej firmetareve te letres se hapur kunder kryetarit te PS-se, Edi Rama per greven e urise, Amik Kasoruho, i kunderpergjigjet replikave dhe kritikave te Rames ndaj artisteve. Sipas tij, Rama gabon shume kur fyen nje grup njerezish, te cilet i kane drejtuar nje leter te hapur. "Me sa di, ky nuk eshte nje gjest i denueshem, aq me pak nese ne kete leter nuk permbahen mesymje ndaj personit. Dhe, me sa e mbaj mend permbajtjen e letres qe iu eshte drejtuar, ajo nuk ishte aspak e tille. Ishte vetem dhe thjesht nje perpjekje, per t'ju kujtuar se qendrimi qe po mbani eshte, se paku i gabuar", reagoi Kasoruho. Sipas shkrimtarit ne letren e hapur, Rama nuk eshte fyer ne asnje rresht te saj, me asnje fjale. "Te gjithe e kane te qarte se acarimi i gjendjes politike ne vend, nuk eshte aspak per te miren e shqiptareve. Une dua t'ju siguroj se nuk bej pjese ne grupin e daullexhinjve qe permendni ju, sepse e quaj veten jashte interesave partiake. Dhe kete nuk jua them, per t'u vecuar nga nenshkruesit e letres qe iu eshte drejtuar, ne asnje menyre, sepse e kam per nder qe emri im te renditet midis emrave te tyre", vijoi shkrimtari. Sipas tij, nuk eshte e domosdoshme te jesh "daullexhi i nje haremi politik", qe te kesh guxim per ta thene haptas mendimin tend. "Perkundrazi, mendoj se kjo eshte nje detyre qytetare. Me kusht qe te mos u perngjaje sherreve te ndrikullave", vijoi Kasoruho.