Erza Muminoviq në luftë për medaljen e bronztë në Taranto 2026
PRISHTINË, 28 gusht /ATSH/ Erza Muminoviq është një fitore larg medaljes së bronztë në Lojërat Mesdhetare “Taranto 2026”.
Xhudistja kosovare ka kaluar me sukses luftën e dytë të repasazhit, duke e mposhtur me Ippon algjerianen Rahma Ghalima.
Pas këtij triumfi, Muminoviq ka siguruar luftën për medaljen e bronztë, ku do të përballet me spanjollen Mireia Rodriguez Salvador.
Erza do të kërkojë edhe një fitore në përballjen vendimtare, me synimin për të siguruar një medalje për Kosovën në Taranto.
/KosovaPress/