Eshtrat e Dajtit, mberrin eksperti i Shkencave Ligjore te Mesdheut

Tirane- Dyshimet e eksperteve mjeko-ligjore mbi ekzaminimin e eshtrave te gjetura nga germimet ne Malin e Dajtit muaj me pare, ka sjelle ne Tirane eksperte te huaj. Ali Chakly, President i Akademise Mesdhetare te Shkencave Ligjore, aktualisht drejtues i bordit te kesaj akademie, eshte ftuar te jape mendimin e tij lidhur me ceshtjen. Ai ka dhene dhe nje skeme te qarte te dy prej dyshimeve te ngritura nga ekspertet tane ligjore. Sipas tij, duhet qe te kryhen ekzaminime ndihmese, sic eshte dhe kryerja e analizave te ADN-se, e cila eshte dhe pergjigja definitive e percaktimit se kujt i perkasin keto skelete dhe kohes se kur jane ekzekutuar trupat. Ne lidhje me ekzaminimet e kryera deri me sot, Chakly eshte shprehur se "disa prej ketyre skeleteve kane tipare te kockave mashkullore, por njera prej tyre duket ambiguide. Gjinia e ketij skeleti duhet ripare, sepse eshte e veshtire te besohet se nje skelet mund te kete ne te njejten kohe ne kocka, njeren ane femerore dhe tjetren mashkullore. Ndoshta duhet marre ne konsiderate ngaterrimi i kockave ose dicka e tille", ka deklaruar ai. Aktualisht antropologet kane formuar 13 skelete, per te cilet eshte konkluduar se jane ekzekutuar me arme zjarri ne koke.