Euro 2012, na turpëron edhe Franca 3-0

Shqipëria është turpëruar edhe më keq në ndeshjen me Francën jo për faktin e rezultatit 3-0, por se nuk kanë arritur asnjëherë ta pasojnë më shumë se dy herë topin, e jo më të mendonin për të goditur portën kundërshtare. Një formacion i arnuar ky kuqezi me shumë emra të rinj të cilët u grumbulluan për emergjencë e për fatin e tyre të keq, debutuan e bënë një figurë jo të mirë në Stad të Francës, pasi ishte hera e parë që luanin me njëri-tjetrin e vetëm 3 ditë ishin stërvitur bashkë. I vetmi për të cilin mundi të luajë e të shfaqë agresivitet e grintë ishte Odise Roshi i marrë nga ekipi Shpresa, për të mbrojtur e sulmuar në krahun e majtë. Ndërkohë të tjerët thjesht shëtisnin uniformën në fushë e shihnin të çorientuar francezët teksa përballë Ujkanit inekzistent, paraqitja e tij më e dobët me kombëtaren, shënuan tre herë në çdo formë. Tashmë na mbeten sytë tek kalendari pasi vuajtjet me sa duket ende nuk kanë mbaruar. Këto eliminatore ndryshe nga çfilluan, po mbyllen me një paraqitje të shpërfytyruar për Shqipërinë e cila duhet të përballet edhe me Rumaninë në Qemal Stafa më 11 tetor. E.Tufa

Rezultatet e sotme

Grupi A

Azerbaixhan 1-4 Austria

Turqi 1-3 Gjermani

Belgjikë 4-1 Kazakistan

Grupi B

Armenia 4-1 Maqedonia

Slovakia 0-1 Rusia

Andorra 0-2 Irlanda

Grupi C

Serbia 1-1 Italia

Irlanda V 1-2 Estonia

Grupi D

Bosnjë – Hercegovina 5-0 Luksemburg

Rumania 2-2 Bjellorusia

Franca 3-0 Shqipëria

Grupi E

Finlanda 1-2 Suedia

Holanda 1-0 Moldova

Grupi F

Latvia 2-0 Malta

Greqi 2-0 Kroacia

Grupi G

Uellsi 2-0 Zvicra

Mali i Zi 2-2 Anglia

Grupi H

Qipro 1-4 Danimarkë

Portugali 3-1 Islanda (vazhdon)

Grupi I

Republika Çeke 0-2 Spanja