Euro ne ndryshim, shqiptaret duan me shume Lekun Eglantina Nasi

Luhatja e vazhdueshme e monedhes europiane ne tregun e kembimit valutor, duket se i ka bere shqiptaret qe te hedhin syte nga monedha e tyre vendase, Leku. Ndryshimet qe peson here pas here Euro, por edhe lajmet e keqija qe vijne ende nga Eurozona, natyrshem kane krijuar tek ta nje ndjenje me te ulet besimi tek ajo, sesa te paraja shqiptare. Vetem diten e djeshme, Euro shenoi nje rritje te menjehershme ne tregun e kembimit, me nje vlere deri ne 140.2 leke, duke u shfaqur serish si nje monedhe qe mund te befasoje me ulje-ngritjet e saj ne treg. Nje tendence kjo, qe ka gjetur referimin ne nivelet e depozitave qe shqiptaret kane prane bankave te nivelit te dyte. Konkretisht, sic pohon ne raportin e saj vjetor te dorezuar ne Parlament, Banka e Shqiperise citon faktin se "depozitat ne leke jane rritur me nivelin prej 10.4% gjate vitit 2011, ose 0.5 pike perqindje me pak se nje vit me pare". Ndersa shton se depozitat ne valute te huaj ne teresi, kane shenuar nje nivel rritje prej vetem 12.6% kur ne vitin 2010, ky nivel rritje ka qene deri ne 28.1%. Pra, gjithcka flet, per nje besim te ulur te klienteve shqiptare te bankave per valuten e huaj ne teresi dhe sidomos per monedhen e Eurozones. Per depozitat e tyre, ekspertet e BSH-se, citojne se ato kane zene nje nivel prej 47.7% te depozitave totale ne bankat e nivelit te dyte gjate vitit te kaluar. Nga ana tjeter, nje lidhje e fshehte duket se ekziston edhe mes rritjes se kursit te Euros dhe pagesave te kesteve te kredise nga klientet huamarres shqiptare te bankave. Keshtu, duke pasur nje nivel te larte kembimi me monedhen vendase, sic po ndodh per shembull gjate ketyre diteve, Euro, konsiderohet si aspak e pershtatshme prej tyre per te marre nje kredi. Kjo, pasi u bie qe te paguajne me shume leke ne kembim, me kestin perkates. Ne te tilla kushte, edhe kredia qe po marrin klientet shqiptare, duket se preferohet prej tyre me mire ne monedhen vendase. E nje kerkese e madhe per Lekun, edhe ne aspektin e huamarrjes, i ben klientet me te afruar ndaj tij dhe ne te njejten kohe, me pak te terhequr ndaj Euros. Kjo e fundit, duket te jete me ta me teper nje detyrim, sic eshte ne rastin e pageses per te blere pasuri te patundshme, kur ato u shiten ne Euro prej ndertuesve. Pasi te ishte per ta, me siguri qe do te preferonin qe edhe ato t'i blinin ne Leke, duke besuar gjithmone se do t'u kushtonte me pak.