Eurogrup dhe kreditorët private, sonte diskutime për Greqinë

Eurogrup dhe kreditorët privatë do të takohen mbrëmjen e sotme për të diskutuar cështjen e Greqisë per paketen prej 130 miliard eurosh qe do shpetoje vendin nga falimentimi. Mëngjesin e sotëm ministri i Financave Venizelos u nis në Bruksel ku do të marrë pjesë në mbledhjen e Eurogrup. Venizelos u shpreh para largimit, se shkon në Bruksel “me shpresën që Eurogrup do të marrë një vendim pozitiv për Greqinë”. Në takimin e ministrave të Financave të Eurozonës do të jetë e pranishme edhe drejtoresha e FMN-së, Christine Lagarde, e cila u shpreh më herët se miratimi i marrëveshjes është një zhvillim pozitiv. Po kështu në Paris mblidhet komisioni i kreditorëve privatë të Greqisë, për të shqyrtuar përmbajtjen e bisedimeve të ditëve të fundit dhe përcaktuar hapat e mëtejshëm, siç bëri të ditur një zëdhënës i Institutit Financiar Ndërkombëtar (IIF).
Më herët pas një maratone debatesh dhe konsultimesh qeveria greke dhe liderët e tre partive më të mëdha politike arritën një marrëveshje për pranimin e masave të reja shtrënguese antikrizë, të vëna si kusht nga trojka e BE-BQE-FMN. Midis masave qe kane shokuar shoqerine greke perfshihen reduktimi i pages minimale me 22%,shkurtimi i pensioneve me 15%, pushimi nga puna i 15000 nenpunesve brenda ketij vitit dhe gjithsej 150 mije, deri ne 2015. Masat konsiderohen si me te ashprat dhe me te dhimbshmet per shoqerine greke te lodhur nga recensioni i vazhdueshem ne vitet e fundit,kur ekonomia eshte tkurrur me me shume se 12%, papunesia ka shkuar ne 20%,ndersa 1 nder tre greke mesatarisht jeton nen kufirin e varferise.
Ndersa pritet votimi i masave nga parlamenti grek,sindikatat greke te sektorit publik dhe atij privat kane shpallur nje greve te re te pergjithshme 48 oreshe qe do te filloje prej mengjesit te se premtes.