FMN dyshime mbi shpenzimet elektorale 2011
Levizje intensive te FMN-se kane ndodhur kete jave pas ardhjes se misionit te kryesuar nga Gerwin Bell dhe stafit te tij. Mesohet se ne qender te diskutimeve ka qene buxheti i vitit 2011 shpenzimet qe do te kryhen gjate periudhes ku jane parashikuar zhvillimi i zgjedhjeve lokale. Pikerisht per kete qellim ekspertet e FMN-se i druhen faktit te rritjes se shpenzimeve ne menyre galoponte sidomos ne pjesen e pare te vitit qe kulmon me zgjedhjet me 8 maj. Gjithashtu FMN-ja vijon te jete e shqetesuar rreth nivelit te borxhit publik qe sipas tyre mund te kaperceje kufirin e 61 per qind ne raport me Prodhimin e Brendshem Bruto ne vitin 2011.
Gazeta Shqip meson detaje te takimeve qe ka kryer shefi i misionit Bell me ministrin e Financave dhe anetaret e Komisionit Parlamentar te Ekonomise. Nga ministri Bode Bell ka marre angazhimin se do te kete nje buxhet qe i pergjigjet realitetit makroekonomik dhe se brenda nje periudhe trevjecare do te kete ulje te borxhit publik ne nivelin e 54 per qind. Por FMN-ja eshte skeptike lidhur me premtimet e ministrit pasi i fundit qe vendos mbi buxhetin do te jete Kryeministri Berisha i cili vijon te kerkoje me insistim qe per vitin 2011 te kete ne dispozicion vetem per rruget rreth 500 milione dollare.
Bell nuk harron tu permende paleve gabimin e bere me kredine tregtare 200 milione euro qe shkoi per financimin e rruges Durres-Kukes interesat e se ciles ishin teper te larta qe nuk i perputheshin realitetit te financave shqiptare. Ne teresi FMN-ja eshte shprehur pozitive per emetimin e eurobondit me vlere 300 milione euro por nga ana tjeter i kujton qeverise sone se tashme cdo veprim me financat shqiptare do te jete nen vezhgimin e rrepte te burses nderkombetare eurobondi eshte tregtuar ne bursen e Londres.
Sakaq ndryshe nga heret e kaluara shefi i misionit Bell ka preferuar te zhvilloje takime vec e vec me anetaret e Komisionit te Ekonomise per te kuptuar me qarte qendrimin e tyre rreth situates ekonomike dhe buxhetin qe pritet te miratohet se shpejti nga Keshilli i Ministrave. Ne takime shefi i misionit ka qene teper i vemendshem per te degjuar sesa te mbante qendrime rreth situates ekonomike ne vend. FMN-ja ka pasur takime edhe me guvernatorin e Bankes se Shqiperise ku ne qender te diskutimeve jane vendosur politikat e duhura monetare dhe pavaresia e BSH-se lidhur me proceset e huamarrjes.