FOKUS – Gjermania voton, kush do të qeverisë ”motorin” e Evropës?

BERLIN, 23 shkurt /ATSH-ANSA/ – Në orën 8 të mëngjesit, qendrat e votimit u hapën në Gjermani për të rinovuar Bundestagun, parlamentin federal dhe rreth 59.2 milionë gjermanë janë thirrur në qendrat e votimit.

Vendvotimet do të jenë të hapura deri në orën 18:00. Vendi është i ndarë në 299 zona zgjedhore.

Gjatë viteve të fundit, numri i deputetëve ka ardhur në rritje, kështu që ligji zgjedhor u ndryshua në vitin 2023: do të zgjidhen 630 deputetë.

Çdo votues mund të tregojë dy vota: e para i referohet drejtpërdrejt një kandidati të asaj zone zgjedhore, e dyta në vend të kësaj i referohet një liste të bllokuar të përcaktuar nga partitë për secilin nga dymbëdhjetë shtetet e federuara dhe tre qytet-shtetet.

Ky votim i dytë përfaqëson përqindjen përfundimtare të vendeve që partia do të ketë në Bundestag. Vetëm partitë që marrin të paktën 5% të votave ose të paktën tre mandate të drejtpërdrejta kanë të drejtë për shpërndarje.

Në zgjedhje konkurrojnë 29 parti.

Sfida e fundit mes Olaf Scholz dhe Friedrich Merz zhvillohet në distancë, midis Potsdamit dhe Mynihut, njëri në lindje dhe tjetri në perëndim të vendit. /os/