FOKUS – Vatikani: Frymëmarrja e papa Françeskut po përkeqësohet

VATIKAN, 28 shkurt /ATSH-DPA/ – Papa Françesku ka pësuar një bronkospazmë, tha sonte  Vatikani.

”88-vjeçari përjetoi një episod të izoluar të bronkospazmës”, sipas një buletini mjekësor të botuar sot në mbrëmje.

Bronkospazma ndodh kur muskujt që rreshtojnë bronket në mushkëri shtrëngohen.

”Kjo çoi në një episod ku ai kishte të vjella dhe një përkeqësim të papritur të gjendjes së tij të frymëmarrjes”, shtoi buletini.

Papa Françeskut iu bë ventilim mekanik joinvaziv.

”Ai ka qëndruar në çdo moment vigjilent dhe i vetëdijshëm”, përfundon buletini.

Papa Françesku, kreu i Kishës Katolike, prej dy javësh po trajtohet nga pneumonia bipolare.

Ditët e fundit buletinet e përditshme të mbrëmjes kishin raportuar për një përmirësim të lehtë./  a.jor.