FOKUS – Vatikani: Papa Françesku kalon një natë të qetë pas bronkospazmës

VATIKAN, 1 mars /ATSH-DPA/ – Papa Françesku kaloi një natë pa komplikime shtesë, pas një periudhe të re gulçimi, tha sot në mëngjes Vatikani.

“Nata ishte e qetë. Papa po pushon”, thuhej në një njoftim të shkurtër të mëngjesit nga Vatikani.

Vatikani nuk ka dhënë më shumë detaje rreth gjendjes shëndetësore të kreut të Kishës Katolike.

Pasditen e së premtes, 88-vjeçari ka pësuar një bronkospazmë, një shtrëngim i rrugëve të frymëmarrjes.

Kjo çoi në një “përkeqësim të papritur të modelit të frymëmarrjes”, sipas një përditësimi zyrtar shëndetësor.

U raportua se Françesku volli disa herë dhe më pas u ventilua mekanikisht.

Lidhur me perspektivën, Vatikani deklaroi se “prognoza mbetet e kujdesshme”.

Kreu i Kishës Katolike prej më shumë se dy javësh po trajtohet në spitalin ”Gemelli” në Romë.

Sipas mjekëve, ai vuan nga një pneumoni e rëndë bilaterale.

Kleriku argjentinas u zgjodh si pasardhës i gjermanit Benedikt XVI si kreu i Kishës në mars të vitit 2013.

Ai është tani Papa i dytë me kohëzgjatjen më të madhe të papatit në histori./  a.jor.