Fajon: Qytetarët të sensibilizohen mbi premtimet për azil

Fajon thekson ekzistencën e agjencive, të cilat u marrin para qytetarëve në shkëmbim të premtimeve të rreme për një jetë më të mirë në vendet perëndimore.

"Momentalisht jemi në mes të përgatitjeve për liberalizimin e vizave për Bosnje Hercegovinën dhe Shqipërinë. Nëse tani kemi ndikim negativ për shkak të ardhjes masive në Belgjikë, vendet anëtare të BE-së do të jenë akoma më të shqetësuar dhe kam frikë se kjo do të sjellë edhe ngadalësimin e procedurës", theksoi Fajon për DW.

Komisioni Evropian dhe autoritetet e Belgjikës tashmë kanë ndërmarrë hapa që të shqyrtojnë problemin dhe të ulin dyndjen e azilantëve. Ekziston dyshimi se pas kësaj ardhjeje masive fshihet edhe një rrjet i organizuar kriminelësh.